Coronavirus / ચટોરી જીભ પર રાખજો કાબૂ નહીતર બનશો કોરોનાનો ભોગ, એક પબમાં ગયેલા 95 લોકો પોઝીટીવ

• એક જ પબમાં ગયેલા 95 લોકો પોઝીટીવ
• સાથે ખાવુ-પીવુ પણ બની શકે છે જોખમી
• કોરોનાની ઝપેટમાં એકસાથે 95 લોકો 

અમેરિકાના મિશિગનમાં હાર્પર રેસ્ટોરન્ટ અને બ્રૂ પબમાં જોડાયેલ લોકોમાં પોઝીટીવ કેસની સંખ્યા 107 થઇ ગઇ છે. કોરોના પોઝીટીવ લોકોની સંખ્યા વધવાની સંભાવનાઓ રહેલી છે. સોશ્યલ મિડીયા પર આવેલી તસવીરોમાં સ્પષેટપણે જોઇ શકાય છે કે લૉકડાઉન ખુલતાની સાથે જ પબમાં લોકોની ભીડ વધી ગઇ હતી. તે ભીડને કોરોના લાગૂ પડ્યો હતો. 

આ ઘટના સામે આવ્યા બાદ બધા જ બારને અસ્થાયીરૂપથી બંધ કરી દેવામાં આવ્યા છે અને શરૂ થાય બાદમાં વ્યવસ્થિત વ્યવસ્થા કરવાના આદેશ આપી દેવાયા છે જેથી ભીડ ન થાય. પોઝીટીવ વ્યક્તિઓની વાત થાય તો તેમની ઉંમર 15થી 28 વચ્ચે જ છે.

સ્થાનિક આરોગ્ય અધિકારીએ સંબંધિત તારીખે પબ પર જતા લોકોની મદદ લીધી છે. લોકોને અપીલ કરવામાં આવી છે કે જો તેઓ 12 થી 20 જૂનની વચ્ચે પબમાં ગયા હોય તો ઘરે જ રોકાય. અગાઉ, યુ.એસ.એ.ના મિશિગનમાં રેસ્ટોરાં અને પબને આ શરત પર ખોલવાની મંજૂરી આપવામાં આવી હતી કે કુલ ક્ષમતાના 50 ટકાથી વધુ લોકો એકત્રિત ન થાય, પરંતુ સોશિયલ મીડિયા પર છપાયેલા ફોટામાં એવું પણ જોવા મળે છે કે લોકો માસ્ક વિના પબ પર પહોંચ્યા હોય.