ભયાનક ભૂકંપ / તુર્કીમાં ભૂકંપના 94 કલાક બાદ કાટમાળમાંથી કઢાયો યુવાન, પેશાબ પીને જીવતો રહ્યો

•  તુર્કી અને સીરિયામાં ભૂકંપને પગલે મોતનું તાંડવ
• અનેક લોકો ઘાયલ અનેક લોકો મોતને ભેટયા
• 94 કલાક યુવાન પેશાબ પીને જીવ્યો

તુર્કી અને સીરિયામાં આવેલા ભૂકંપે મોતનું તાંડવ રચ્યું છે અત્યાર સુધીમાં અનેક લોકો મોતને ભેટ્યા છે. ત્યારે આ ભીષણ ભૂકંપમાં અત્યાર સુધીમાં 20 હજારથી વધુ લોકો મોતના ખપ્પરમાં હોમાયા હોવાનું સામે આવ્યું છે. જેમાં આ દુર્ઘટના બાદ લાંબા સમયથી ચાલુ બચાવ કાર્ય આજે પણ યથાવત રહેવા પામ્યું છે ત્યારે હાલમાં જ તુર્કીના દક્ષિણી ગાઝિયાંટેપ વિસ્તરામાં રેસ્ક્યુ ટીમે એક ઈમારતના કાટમાળમાંથી એક યુવકને મહામહેનતે જીવિત બહાર કાઢ્યો હતો. ભયાનક ભૂકંપના 94 કલાક બાદ યુવાનને હેમખેમ બહાર કાઢી લેવામાં આવ્યો હતો.જેમાં 17 વર્ષના આ યુવકે પેશાબ પીને જીવતો રહ્યો હોવાનું સામે આવ્યું છે.

#UMUTVARUYKUYOK

🙏🙏 Gaziantep'te Gölgeler Apartmanında 17 yaşındaki Adnan Muhammet Korkut, 94. saatte enkazdan sağ olarak kurtarıldı.

📽️ Kurtarılma anları ve sevdiklerinin mutluluğu pic.twitter.com/ERM6TMTEi8

— Ajansspor (@ajansspor) February 10, 2023

યુવાને ભગવાનનો આભાર માન્યો

સ્થાનિક મીડિયાના જણાવ્યા અનુસાર અદનાન મુહમ્મદ કોરકુટને ગુરુવારની રાત્રે ગાઝિયનટેપના સેહિતકામિલ જિલ્લામાં જમીન દોસ્ત થયેલ કાટમાળમાંથી ઉગારી લેવામાં આવ્યો છે. આ વીડિયો સોશિયલ મીડિયામાં વાયરલ થયો છે. જેમાં તેમણે બચાવકર્તાને જણાવ્યું હતું કે તેણે જીવિત રહેવા માટે પોતાનું પેશાબ પીધો હતો અને બચાવ કાર્ય માટે તેણે લાંબો સમય રાહ જોઈ હતી. ત્યારબાદ તેમણે ભાગવાનો આભાર પણ માન્યો હતો.

અનેક લોકો મોતને ભેટયા તો અનેક ઘાયલ

આ દરમિયાન કાટમાળમાં અન્ય કોઈના આવાજ સાંભળવા મળ્યા કે કેમ? તેવું પૂછવામાં આવતા યુવાને જણાવ્યું હતું કે તેની પાસે એક કૂતરો હતો. જેથી રાહતકાર્યમાં જોડાયેલા લોકો કૂતરાને બચાવવા પણ કાર્ય કરશે. તેવો દાવો કર્યો હતો. તુર્કી અને પડોશી સીરિયામાં સોમવારે વહેલી સવારે એક ભયાનક ભૂકંપ આવ્યો હતો. જેનાથી અનેક શહેરોના મકાનો જમીનદોસ્ત થયા છે અને હજારો લોકો મોતને ભેટયાં છે. વધુમાં અનેક લોકો ઘાયલ પણ થયા છે.