કેન્દ્ર સરકારનું કહેવું છે કે ભારત ચીન સીમા પર તણાવને સમાપ્ત કરવા માટે પ્રયત્નો થઈ રહ્યા છે, આ દરમિયાન દેશમાં 80 જેટલી ચીની કંપનીઓ સક્રિય રૂપે કામગીરી કરી રહી છે.
59 ચીની એપ્સ પર સરકારે લગાવ્યો હતો પ્રતિબંધ
હાલમાં સરકાર અનુસાર 80 ચીની કંપનીઓ દેશમાં સક્રિય છે
ભારતમાં કુલ 92 જેટલી ચીની કંપનીઓ રજિસ્ટર્ડ છે
ભારતમાં કારોબાર કરવાના મુદ્દે ચીની કંપનીઓ પર પ્રતિબંધને લઈને થયેલા એક સવાલના જવાબમાં રાજ્યસભામાં કેન્દ્રીય નાણાં રાજ્ય પ્રધાન અનુરાગ ઠાકુરે કહ્યું હતું કે ભારતમાં 92 ચીની કંપનીઓ હાલમાં રજિસ્ટર્ડ છે અને તેમાં 80 જેટલી કંપનીઓ સક્રિય રીતે કારોબાર કરી રહી છે.
એફડીઆઇને RBI દ્વારા રેગ્યુલેટ કરવામાં આવે છે
વધુમાં ઠાકુરે જણાવ્યું હતું કે બધા જ નિયમ લાગૂ છે અને કંપનીઓને તેનું પાલન કરવાનું સુનિશ્ચિત કરવાની જરૂર છે, તેમણે કહ્યું કે એફડીઆઇને ભારતીય રિજર્વ બેન્ક દ્વારા રેગ્યુલેટ કરવામાં આવે છે. ડિફેન્સ, સ્પેસ અને પરમાણુ ઉર્જા સહિતના અમુક સેક્ટરને છોડીને તેને સરકારની પરમિશન મળેલી છે.
મહત્વનું છે કે સરકારે અગાઉ 59 ચીની એપ્સ પર પ્રતિબંધ લગાવી દીધી છે, ગત વર્ષે ચીની એપ ટિકટોક અને પબજી જેવી એપ પર પ્રતિબંધ લગાવી દેવાયું હતું, પૂર્વી લદ્દાખમાં ગલવાન ઘાટીમાં હિંસક અથડામણ બાદ ભારતના 20 જવાનો શહીદ થઈ ગયા હતા.
ભારત સરકારે ચીની એપ્સ પર લગાવ્યો હતો પ્રતિબંધ
સરકારે જૂનમાં સ્થાયી રૂપે ટિકટોક અને અન્ય ચીની એપ્સ પર પ્રતિબંધ લગાવવા માટે નોટિસ જાહેર કરી હતી, સરકારે આ ચીની એપ્સને પ્રાઈવસી અને સિક્યુરિટી પર આધારિત પ્રશ્નોના જવાબ આપવા માટે કહ્યું હતું, જો કે આ કંપનીઓના જવાબોથઈ સંતુષ્ટ નહીં થતાં પ્રતિબંધ લગાડી દીધો હતો.