કરણ જોહરે પોતાના 50મા જન્મ દિવસની ઉજવણી કરી. આ ઉજવણીમાં સામેલ થનારા તેના મિત્રો ઉજવણીને ક્યારેય ભૂલી શકશે નહીં.
કરણ જોહરે પોતાના 50મા જન્મ દિવસની ઉજવણી કરી
આ ઉજવણીમાં 90ના દાયકાની અભિનેત્રીઓ ઉપસ્થિત રહી
અભિનેત્રીઓએ વર્ષો પછી એકબીજાની સાથે ખૂબ મસ્તી કરી
કરણ જોહરે એક ગ્રાન્ડ પાર્ટીનું આયોજન પણ કર્યુ
કરણ જોહરે એક ગ્રાન્ડ પાર્ટીનું આયોજન પણ કર્યુ હતુ. પાર્ટી યશ રાજ સ્ટુડિયોમાં થઇ. જ્યાં બૉલીવુડના તમામ દિગ્ગજ કલાકારો સામેલ થયા. પાર્ટીમાં 90ના દાયકાના કલાકારોની મહેફિલ સજી હતી. શાહરૂખ ખાન, આમિર ખાન, સલમાન ખાનથી લઇને પ્રીતિ જિન્ટા, ઐશ્વર્યા રાય બચ્ચન, રાની મુખર્જી, કાજોલ, માધુરી દીક્ષિત, રવિના ટંડન જેવી ઘણી 90ના દાયકાની દિગ્ગજ અભિનેત્રીઓ વર્ષો પછી એકબીજાની સાથે ખૂબ મસ્તી કરી રહી છે. પ્રીતિ જિન્ટાએ હાલમાં એક પોસ્ટ શેર કરી કરણ જોહરનો તેના માટે આભાર માન્યો છે.
પ્રીતિ જિન્ટા કરણ જોહરની બર્થ ડે પાર્ટીમાં પોતાના પતિ જીન ગુડઈનફની સાથે આ પાર્ટીમાં સામેલ થઇ. આ પાર્ટીમાં આવતા તેમને વર્ષો બાદ પોતાના બોલીવુડ મિત્રો સાથે ગેટ ટૂ ગેધર કરવાની તક મળી. પાર્ટીમાં આવીને તેમને કેટલી મજા આવી તેનો એકરાર જિન્ટાએ પોતાની સોશિયલ મીડિયા પોસ્ટમાં કર્યો છે. કરણ જોહરના જન્મ દિવસે બોલીવુડ સેલિબ્રિટીઓનો જમાવડો થયો છે. કરણ જોહરને શુભેચ્છા આપવા માટે સેલિબ્રિટીઓ પાર્ટીમાં પહોંચ્યા હતા. પાર્ટીની ઘણી તસ્વીરો અને વીડિયો હવે સોશિયલ મીડિયામાં ખૂબ વાયરલ થઇ રહ્યાં છે. પાર્ટી બાદ હાલમાં 90ની દિગ્ગજ અભિનેત્રી પ્રીતિ જિન્ટાએ સોશિયલ મીડિયા પોસ્ટ શેર કરી ખાસ યાદોને સજાવી લીધી છે.