ગુજરાત અને ભારતમાં દિન પ્રતિદીન મહીલા અને બાળકો પર જાતિય સતામણીના કિસ્સાઓ વધી રહ્યા છે. હાલમાં જ ઉત્તર પ્રદેશના હાથરસમાં માનવતા મરી પરવરી હોય તેવી ઘટના સામે આવી હતી. ત્યારે ગુજરાતમા પણ દિન પ્રતિદીન બળાત્કારની જધન્ય ઘટનાઓ સામાન્ય બની ગઇ હોય તેમ રોજ અનેક કિસ્સાઓ પ્રકાશમાં આવી રહ્યા છે ત્યારે આવી જ એક ઘટના જુનાગઢ જિલ્લાના વંથલી તાલુકામાં બની છે.
વંથલીમાં 9 વર્ષની બાળકી પર બળાત્કાર
બાળકીના મામાની દીકરીના દીકરાએ આચર્યું દુષ્કર્મ
બાળકી હાલ જૂનાગઢની સિવિલ હોસ્પીટલમાં સારવાર હેઠળ
વંથલી નગરપાલિકાની હદમાં આવેલ લાયન્સ નગર (સાંતલપુર ધાર) વિસ્તારમાં રહેતી 9 વર્ષની દેવીપુજક માસુમ દીકરી પર તેના મામાની દીકરીના દીકરાએ દુષ્કર્મ આચર્યાની ઘટના સામે આવી છે. લાયન્સ નગરમાં રહેતા દેવીપુજક પરીવારની 9 વર્ષની દીકરી તેની બહેનપણીઓ સાથે બપોરના સમયે તેના ફળીયા રમી રહી હતી ત્યારે નજીકમાં જ રહેતા પીડિતાના મામાની દીકરીના દીકરા અક્ષય રાજુભાઇ સોલંકીએ પીડિતાને પોતાના ઘરે બોલાવી એકલતાનો લાભ લઈ દુષ્કર્મ આચર્યુ હતુ.
દીકરી ધ્રુસ્કે ધ્રુસ્કે રડી પડી અને તેની માતાને સમગ્ર ઘટના જણાવી
આ ઘટના બાદ 9 વર્ષની દીકરી પોતાના ઘરે જમ્યા વગર સુઇ ગઈ હતી. નજીકમાં સુતેલા તેના માતા-પિતાએ પોતાની દીકરીના લોહીવાળા કપડા જોતા દીકરીને પુછતા દિકરી ધ્રુસ્કે ધ્રુસ્કે રડી પડી હતી અને સમગ્ર ઘટના તેના માતાને જણાવી હતી. દીકરીના ગુપ્તાંગોમાંથી સતત લોહી વહી રહ્યુ હોય. તેને તાત્કાલિક વંથલી સિવિલ હોસ્પીટલ ખાતે સારવાર માટે ખસેડવામા આવી હતી. આ ઘટનાની પોલીસને જાણ થતા તાત્કાલીક પોલીસ દ્વારા આરોપીને શોધવાની કામગીરી શરૂ કરવામાં આવી હતી અને ગણતરીની મિનિટોમાં જ આરોપીને દબોચી લીધો હતો. હાલ પીડિત બાળકીનું તબીબી પરિક્ષણ થઇ રહ્યુ છે તેમજ વંથલી પોલીસે ગુન્હો નોંધી આગળની તપાસ હાથ ધરવામાં આવી છે.
આરોપીની માતાએ આ બાબતની કોઇ જાણ ન હોવાનું જણાવ્યું હતું
આરોપીની માતા સાથે વાત કરતાં તેને આ બાબતની કોઈ જ જાણ ના હોવાનું જણાવ્યું હતું. ઘરે છોકરો એકલો હોવાની વાત તેની માતાએ જણાવ્યું હતું. ઘરના સભ્યો બધા બહાર કામ પર ગયા હતા અને પાછળથી આ ઘટના બની હતી. પીડિતા તેના ફઈના દીકરાની દીકરી થાય છે અને કોઈ મનદુઃખ પણ ના હતું. આ ઘટનાની કોઈ પણ માહિતીની જાણ તેની માતાને ના હોવાનું જણાવ્યું હતું.
પોલીસે સમગ્ર ઘટનાની તપાસ કરીને કાનૂની કાર્યવાહી હાથ ધરશે
પોલીસને આ ઘટનાની જાણ થતાં તપાસ ચાલુ કરવામાં આવી અને ત્યાર બાદ પીડિતાને પોલીસ સ્ટેશન લાવી. આ બનાવની હકીકત જાણી અને ફરિયાદ નોંધ્યા બાદ પીડિતાને તાત્કાલિક વંથલીની હોસ્પિટલમાં દાખલ કરવામાં આવી પરંતુ ત્યાં મહિલા ડૉક્ટર ના હોવાથી જૂનાગઢ સિવિલ હોસ્પિટલમાં ખસેડવામાં આવી હતી અને ત્યારબાદ ડૉક્ટર દ્વારા સારવાર ચાલુ કરી દેવામાં આવી છે. આરોપીનો કોરોના ટેસ્ટ કર્યા બાદ આગળની કાનૂની કાર્યવાહી હાથ ધરવામાં આવશે.