મુંબઇ: 26મી જાન્યુઆરી પૂર્વ મહારાષ્ટ્ર ATSને મોટી સફળતા મળી છે. ATSએ થાણે જિલ્લાના મુંબ્રાથી 4 અને ઔરંગાબાદથી 5 શંકાસ્પદની ધરપકડ કરી છે. મહારાષ્ટ્ર ATSએ જે શંકાસ્પદોની ધરપકડ કરી છે. તે તમામ બેંગાલુરુની પોપ્યુલર ફ્રંટ ઓફ ઈન્ડિયાના છે અને શંકાસ્પદ ISISના મોડ્યૂલ પર કામ કરતા હોવાની આશંકા વ્યક્ત કરાઈ છે.
મુંબ્રાથી ઝડપાયેલા મહમ્મદ મઝહર શેખ મોહસીન ખાન ફહાદ શાહ અને તકી છે. આ તમામ યુવક શિક્ષીત છે. જે પોપ્યુલર ફ્રંટ ઓફ ઈન્ડિયા અને ઓરંગાબાદ શાખા સાથે જોડાયેલા છે. આ શાખાનો પ્રમુખ સલમાન હોવાનું સામે આવ્યું છે. સલમાન કેટલાક દિવસો પહેલા મુંબ્રા આવ્યો હતો.
#Maharashtra Anti-Terrorism Squad (ATS): Based on reliable information total 9 youths have been brought for questioning from Aurangabad and Mumbra Thane district. Inquiries are in progress. Further details will be informed in due course.
સૂત્રો દ્વારા મળતી માહિતી મુજબ મુંબ્રાના 4 શંકાસ્પદોની સલમાન સાથે રમઝાનના રોજા સમયે મસ્જિદમાં થયેલી બેઠક દરમિયાન મુલાકાત થઈ હતી. જે બાદ તમામ શખ્સો સલમાનના સંપર્કમાં હતા. થોડા દિવસ અગાઉ જ સલમાન ફહાદ શેખના ઘરે આવ્યો હતો.
ઉલ્લેખનીય છે કે તેના લગ્ન હોવાનું જણાવીને ઔરંગાબાદ લઈ ગયો હતો. ફહાદની સાથે અન્ય 3 પણ ઔરંગાબાદ ગયા હતા. ATSએ આ શંકાસ્પદોના ઘરે દરોડા પાડ્યા હતા અને તેમના પરિવારજનો સહિત તમામના મોબાઈલ સીમકાર્ડ અને લેપટોપ જપ્ત કર્યા છે.