કેનેડાની રહેવાસી વરથા શનમુગનાથને દેશની યોર્ક યુનિવર્સિટીથી પોલિટિક સાયન્સમાં માસ્ટર ડિગ્રી મેળવી છે. તેમની ઉંમર 87 વર્ષ છે.
શીખવાની કોઈ મર્યાદા નથી
87 વર્ષની મહિલાએ મેળવી સ્નાતકની ડિગ્રી
જાણો કેનેડાની વરથા શનમુગનાથન વિશે
શીખવાની કોઈ ઉંમર હોતી નથી. 87 વર્ષની એક મહિલાએ આ કહેવતને સાચી સાબિત કરી છે. હકીકતે આ વૃદ્ધ મહિલાને 87 વર્ષની ઉંમરે બીજી માસ્ટર ડિગ્રી આપવામાં આવી છે. કેનેડાના નિવાસી વરથા શનમુગનાથન દેશની યોર્ક યુનિવર્સિટીમાંથી માસ્ટર ડિગ્રી સાથે સ્નાતક થનાર સૌથી વૃદ્ધ વિદ્યાર્થી બન્યા છે.
આ કરીને તેમણે વૃદ્ધાવસ્થામાં ભણવું મુશ્કેલ હોવાનું કહેનારા લોકોને ખોટા સાબિત કર્યા છે એટલું જ નહીં જે લોકો ફરીથી અભ્યાસ શરૂ કરવા માગે છે તેમના માટે પ્રેરણારૂપ પણ બન્યા છે.
કેનેડાના ઓન્ટારિયોમાં પ્રોવિંસિયલ પાર્લિયમેન્ટમાં એક કાર્યક્રમનું આયોજન કરવામાં આવ્યું હતું. જેમાં વરથા શનમુગનાથનને સન્માનિત કરવામાં આવ્યા હતા. આ સમયે સદનના સદસ્યોએ ઉભા થઈને તાલિયોની સાથે શનમુગનાથનું અભિવાદન કર્યું. પ્રોવિંસિયલ પાર્લિયમેન્ટના સદસ્ય વિજય થાનિગાસલામે આ સંપૂર્ણ કાર્યક્રમનો એક વીડિયો શેર કર્યો છે. જેમાં તેમણે શનમુગનાથનને સન્માનિત કર્યા છે.
આ સબ્જેક્ટમાં મેળવી માસ્ટર ડિગ્રી
હકીકતે વરથા શનમુગનાથનના અભ્યાસની શરૂઆત ભારતમાં શરૂ થઈ. અહીં તેમણે બેચલર ડિગ્રી મેળવી. ત્યાર બાદ તેમણે સીલોન યુનિવર્સિટીથી એજ્યુકેશનમાં ડિપ્લોમા કર્યું. ત્યાં જ શનમુગનાથનની અસલી પરીક્ષા શરૂ થઈ. કારણ કે 50 વર્ષની ઉંમરની આસપાસ જઈને તેમણે લંડન યુનિવર્સિટીમાંથી પોતાની પહેલી માસ્ટર ડિગ્રી મેળવી હતી.
ત્યાં જ જ્યારે શનમુગનાથનને ખબર પડી કે યોર્ક યુનિવર્સિટીના કાયદા અનુસાર જો તેમના ત્યાં કોઈ 60 વર્ષથી વધારે ઉમરના કેનેડાઈ નાગરિક એડમિશન લે છે તો તેમની ટ્યુશન ફી માફ કરી દે છે. આજ કારણ હતું કે તેમણે યોર્ક યુનિવર્સિટીમાં એડમિશન લીધુ અને પછી અહીંથી પોલિટિકલ સાયન્સમાં માસ્ટર ડિગ્રી મેળવી હતી.