અસાધારણ ઘટના / પહેલી વાર 85 મિનિટ સુધી મહિલાના હાથમાં રહ્યું અમેરિકી પરમાણું હુમલાનું બટન, જાણો આખો કિસ્સો

• અમેરિકાના રાષ્ટ્રપતિ પાસે રહે છે પરમાણુ હુમલાની બે જરુરી વસ્તુઓ
• બિસ્કીટ અને ફૂટબોલ નામની ચીજ એટલે પરમાણું હુમલાનું બટન
• 19 નવેમ્બર 2021ના દિવસે પ્રેસિડન્ટ જો બાયડનનું થયું હતું ઓપરેશન 
• વાઈસ પ્રેસિડન્ટ કમલા હેરિસને સોંપાઈ હતી આ બે ચીજ
• લગભગ 85 મિનિટ સુધી હેરિસાના હાથમાં રહ્યું હતું પરમાણું હુમલાનું બટન 

અમેરિકાના રાષ્ટ્રપતિ જો બાયડન જ્યાં પણ જતા હોય છે ત્યાં તેમની સાથે કાળા રંગની એક સુટકેસ રહેતી હોય છે. આ કાળા રંગની સુટકેસમાં પરમાણું હુમલાનું બટન હોય છે. સુટકેસમાં બિસ્કીટ અને ફૂટબોલ નામે ઓળખાતી બે ચીજ હોય છે, સીધી રીતે કહીએ તો આ પરમાણું હુમલો કરવાનું બટન હોય છે. જો રાષ્ટ્રપતિ આ બટન દબાવે તો ટાર્ગેટ પર સીધો પરમાણુ હુમલો થઈ જતો હોય છે. રાષ્ટ્રપતિ સિવાય બીજા કોઈને પણ પરમાણું હુમલાનું બટનવાળી સુટકેસ અપાતી નથી પરંતુ એક વાર એવું બનેલું કે લગભગ 85 મિનિટ સુધી એક મહિલાના હાથમાં પરમાણું હુમલાનું બટન આવી ગયું હતું. 

શું બન્યું હતું 19 નવેમ્બર 2021ના દિવસે 
19 નવેમ્બર 2021ના દિવસે પ્રેસિડન્ટ જો બાયડનનું ઓપરેશન થવાનું હતું અને તેમને એનેસ્થેસિયા આપીને બેભાન કરવામાં આવે તે પહેલા પરમાણુ હુમલાના બટનવાળા સુટકેસ વાઈસ પ્રેસિડન્ટ કમલા હેરિસને સોંપવામાં આવી હતી. બાયડનનું ઓપરેશન લગભગ 85 મિનિટ સુધી ચાલ્યું હતું અને તેટલી વાર સુધી પરમાણું હુમલાનું બટન કમલા હેરિસના હાથમાં રહ્યું હતું. અમેરિકી ઈતિહાસમાં પહેલી વાર આવું બન્યું કે એક મહિલાના હાથમાં પરમાણું હુમલાનું બટન આવ્યું હોય.  

કમલા હેરિસને સોંપાઈ હતી બે ચીજ, ફૂટબોલ અને બિસ્કિટ
પરમાણું હુમલાના બટનવાળા સુટકેસમા ફૂટબોલ અને બિસ્કિટ હોય છે. આ બન્ને ચીજ પહેલી વાર કોઈ મહિલાને સોંપવામાં આવી હતી. 

સુટકેસમાં પરમાણુ હુમલાના સિક્રેટ કોડ હોય છે
સુટકેસમાં રહેલ  ફૂટબોલ અને બિસ્કિટમાં પરમાણું હુમલો કરવા માટેના સિક્રેટ કોડ હોય છે. બટન દબાવતા અમેરિકા વિશ્વમાં ગમે ત્યાં પરમાણું હુમલો કરી શકે છે. અમેરિકી પ્રેસિડન્ટ જો બાયડન ગમે તે દેશની યાત્રા પર હોય ત્યારે તેમની સાથે એક સિક્યુરીટી મેન કાળા રંગની સુટકેસ લઈને ચાલતો હોય છે અને આ કાળા રંગની સુટકેસમાં પરમાણું હુમલાનું બટન હોય છે તે દબાવી દેતા અમેરિકા ટાર્ગેટ પર પરમાણું હુમલો કરી શકે છે. પ્રેસિડન્ટ વ્હાઈટ હાઉસ, એરફોર્સ વન કે ગમે ત્યાંથી તેની ચાંપ દબાવવા સક્ષમ હોય છે.