તમારા કામનું / FD પર 8.25 ટકા વ્યાજ: દેશની આ મોટી પ્રાઇવેટ બૅન્ક આપી રહી છે સુવિધા, આટલા દિવસ માટે કરવું પડશે રોકાણ

• આ બેંકે ફિક્સ્ડ ડિપોઝીટ પરના વ્યાજ દરમાં વધારો કર્યો 
• બે વર્ષની FD પર 8.25%નું રિટર્ન મળશે 
• 31 દિવસથી 45 દિવસમાં પાકતી FD પર 4.00 ટકાના દરે વ્યાજ

રિઝર્વ બેંકના રેપો રેટમાં વધારો કર્યા પછીથી દેશની ખાનગી અને સરકારી બેંકો તેમની ફિક્સ્ડ ડિપોઝિટના વ્યાજ દરોમાં વધારો કરી રહી છે. જણાવી દઈએ કે દેશની પ્રાઇવેટ બેંકમાંથી એક ઇન્ડસઇન્ડ બેંકે(IndusInd Bank)  2 કરોડ રૂપિયાથી ઓછી ફિક્સ્ડ ડિપોઝીટ પરના વ્યાજ દરમાં વધારો કર્યો છે. નોંધનીય છે કે બેંક હાલમાં સામાન્ય લોકોને 3.5 ટકાથી લઈને 7 ટકા સુધીનું વ્યાજ આપી રહી છે અને વરિષ્ઠ નાગરિકોને ફિક્સ ડિપોઝિટ પર 4.00 ટકાથી 7.50 ટકા સુધીનું વ્યાજ મળતું હતું. આ સાથે જ મહત્વનું છે કે બેંક 7 દિવસથી લઈને 61 મહિનાની ફિક્સ્ડ ડિપોઝિટ પર આ વ્યાજ દર ઓફર કરી રહી છે.

બે વર્ષની FD પર 8.25%નું રિટર્ન 
ફિક્સ્ડ ડિપોઝિટના વ્યાજ દરોમાં વધારો કરતાં ઇન્ડસઇન્ડ બેંક (IndusInd Bank) બે વર્ષથી ત્રણ વર્ષ અને ત્રણ મહિનાની એફડી પર સામાન્ય લોકોને 7.50 ટકા અને વરિષ્ઠ નાગરિકોને 8.25 ટકાના દરે વ્યાજ ઓફર કરે છે. જણાવી દઈએ કે બેંકની સત્તાવાર વેબસાઇટ અનુસાર નવા વ્યાજ દરો 16 ફેબ્રુઆરી 2022થી લાગુ થઈ ગયા છે અને સાત દિવસથી 30 દિવસમાં પાકતી FD પર 3.50 ટકાના દરે વ્યાજ મળશે. નોંધનીય છે કે 31 દિવસથી 45 દિવસમાં પાકતી FD પર 4.00 ટકાના દરે વ્યાજ મળશે.

ત્રણ વર્ષથી ઓછી FD પર વ્યાજ દર
બેંક એક વર્ષથી દોઢ વર્ષ સુધીની એફડી પર 7 ટકાના દરે અને દોઢ વર્ષથી વધુ અને બે વર્ષથી ઓછા સમયગાળાની FD પર 7.25 ટકાના દરે વ્યાજ ઓફર કરે છે. જાણવી દઈએ કે બેંક હવે બે વર્ષથી ત્રણ વર્ષથી ઓછા સમયગાળાની FD પર મહત્તમ 7.50 ટકા વ્યાજ ઓફર કરી રહી છે. 

આ સાથે જ ત્રણ વર્ષથી વધુ પણ 61 મહિનાથી ઓછા સમયની એફડી પર 7.25 ટકા વ્યાજ દર ઓફર કરે છે. 61 મહિના અને તેથી વધુ સમયગાળામાં પાકતી FD પર સાત ટકાના દરે વ્યાજ મળશે.

120 દિવસ માટે FD પર કેટલું વ્યાજ?
જણાવી દઈએ કે 91 થી 120 દિવસની વચ્ચે પાકતી FD પર 4.75 ટકાના દરે વ્યાજ મળશે, જ્યારે 121 થી 180 દિવસની વચ્ચે પાકતી FD પર 5 ટકાના દરે વ્યાજ મળશે. સાથે જ ઇન્ડસઇન્ડ બેંક હવે 211 દિવસથી 269 દિવસમાં પાકતી FD પર 5.80% ગેરંટી વ્યાજ દર ઓફર કરી રહી છે. ઇન્ડસઇન્ડ બેંક 270 દિવસથી 354 દિવસની FD પર 6% વ્યાજ ઓફર કરે છે અને 355 દિવસથી 364 દિવસની FD પર 6.25 ટકા વ્યાજ મળશે.