ચિંતા / નાના બાળકોના વાલીઓ સાચવજો! આ લક્ષણો હોય તો બેદરકારી ન રાખતાં, કેરળમાં જોવા મળ્યા 'ટોમેટો ફીવર' ના 80 કેસ

• કેરળમાં ટોમેટો ફીવરના 82 કેસ
• પાંચ વર્ષથી નાના બાળકોને થાય છે આ રોગ
• આરોગ્ય વિભાગે શરુ કર્યુ જાગૃતિ અભિયાન

વિશ્વને હજી કોરોનાથી છૂટકારો મળ્યો નથી.  ત્યાં વધુ એક નવા વાયરસે ચિંતા ઉભી કરી છે.  કોરોના વાયરસની ચોથી લહેર વચ્ચે બાળકોને ટાર્ગેટ બનાવનાર ટોમેટો ફીવરે  દસ્તક દીધી છે. કેરલમાં ટમાટર ફ્લૂ કે ટમાટર ફીવરના 82 કેસ સામે આવ્યા છે. આ બીમારી પાંચ વર્ષથી ઓછી ઉંમરના બાળકોને થાય છે. મહત્વનું છે કે બાળકોમાં કોરોના થતો હોવાથી પહેલેથી જ પરેશાની છે તેવામાં હવે ટોમેટો ફીવરે માતા પિતાની ચિંતામાં વધારો કર્યો છે. 

કેરળમાં ટોમેટો ફીવરના 82કેસ

કેરળમાં આરોગ્ય વિભાગ સ્થિતિ પર નજીકથી નજર રાખી રહ્યું છે. કારણ કે આ રોગ મોટે ભાગે પાંચ વર્ષથી ઓછી ઉંમરના બાળકોને અસર કરે છે. ઉપરોક્ત પુષ્ટિ થયેલ કેસો સરકારી હોસ્પિટલોમાંથી નોંધાયેલા છે અને કેરળ સરકારના અહેવાલ મુજબ ખાનગી હોસ્પિટલોમાં નોંધાયેલા ચેપને ધ્યાનમાં લેવામાં આવતા નથી. આરોગ્ય વિભાગે નેદુવથુર, આંચલ અને આર્યનકાવુ વિસ્તારોમાં સાવચેતીના પગલા લીધા છે કારણ કે અહીં ટોમેટો ફીવરના કેસ સામે આવ્યા હતા. 

ટામેટો ફીવર શું છે ?

ટોમેટો ફીવર એ અજાણ્યો તાવ છે જે મોટે ભાગે કેરળમાં જોવા મળે છે. જો કે હજી સુધી એ નક્કી થયુ નથી કે આ ફીવર વાયરલ છે કે પછી ચિકનગુનિયા કે ડેન્ગ્યુ ફીવરનું પરિણામ છે. આ સંક્રમણ કોલ્લમ, નેદુવાથુર, આંચલ અને આર્યનકાવુ વિસ્તારમાં જોવા મળ્યું છે. જેના પરિણામે સાવચેતીના પગલે આંગણવાડી કેન્દ્ર બંધ કરવામાં આવ્યા છે.ગામડાઓમાં જાગૃતિ અભિયાન શરૂ કરવામાં આવ્યું છે.

ટોમેટો ફીવરના લક્ષણો

ટામેટા જેવા આકારના શરીર પર ચકામા અને ફોલ્લીઓ જોવા મળે છે.
સ્કિન પર બળતરા થાય છે.
મોંઢુ સુકાવુ તથા જીભ સૂકી પડી જવી

જો તમને આ લક્ષણો જોવા મળે તો સાવધાન થઇ જજો

• હાઇ ફીવર
• શરીરનો દુઃખાવો
•  સાંધાનો સોજો
• થાક લાગવો
• ટામેટા આકારની ફોલ્લીઓ
• મોઢામાં બર્નિંગ
• હાથનો રંગ ફિક્કો પડવો
• ઘૂંટણનો રંગ ફિક્કો પડવો
• નિતંબનો રંગ ફિક્કો પડવો 

જો લક્ષણો દેખાય તો શું કરવું ?

• જો બાળકમાં આમાંના કોઈપણ લક્ષણો હોય તો નજીકના ડૉક્ટરની સલાહ લો.
• આ રોગથી સંક્રમિત લોકોને વધુને વધુ પ્રવાહી પીવાની સલાહ આપવામાં આવે છે.
• ફોલ્લીઓ  થાય તો ખંજવાળશો નહિ.
• સ્વસ્થ બાળકોએ ચેપગ્રસ્ત લોકોથી અંતર રાખવું જોઈએ.
• દર્દી અને તેની આસપાસના લોકો માટે સ્વચ્છતા જાળવવી મહત્વપૂર્ણ છે.
• ઘણા કિસ્સાઓમાં તાવ એક અઠવાડિયા સુધી રહેતો હોવાથી યોગ્ય આરામ જરૂરી છે.