ભારતીય ગુપ્તચર એજન્સીઓને જાણકારી મળી છે કે આ 8 હજાર આતંકીઓની મદદથી જૈશ અને લશ્કર સાથે મળીને ISI ભારતીય સુરક્ષા દળો સામે મોટું કાવતરું ઘડવાનો પ્લાન બનાવી રહી છે.
POKમાં જૈસ-લશ્કરના 8000 આતંકી?
આતંકીઓએ લીધી છે તાલિબાન પાસે ટ્રેનિંગ?
કાબૂલ બાદ કશ્મીરમાં `ટેરર પ્લાન' ?
કશ્મીરને લઈને ISI રચી રહ્યું છે કાવતરું?
પાકિસ્તાનની ચાલ સામે ભારત સાબદું
POKમાં આતંકી હોવાનો રિપોર્ટ
કશ્મીરમાં જ્યારથી 370 કલમ દૂર થઈ છે ત્યારથી પાકિસ્તાનને ચેન પડતું નથી. હવે તાલિબાને અફઘાનિસ્તાન પર કબ્જો કરી લેતાં ફરી પાકિસ્તાન ગેલમાં આવી ગયું છે. કારણ કે તાલિબાન અને પાકિસ્તાન એકબીજા સાથે બરોબરના હળેળા-ભળેલાં છે. એટલે જ કહેવાય છે કે POKમાં તાલિબાનો ટ્રેનિંગ લઈ રહ્યા છે અને આ ટ્રેનિંગ લઈ તાલિબાનો કશ્મીરમાં આતંક ફેલાવવાની ફિરાકમાં છે.
ભારતને હચમચાવવા માટે ઘડાઈ રહ્યું છે કાવતરું!
POKની રેલીની ઘણી બધી તસવીરો સામે આવી છે જેમાં તે આતંકીઓ છે જે અફઘાનિસ્તાનમાં તાલિબાન માટે લડાઈ લડીને પાછાં ફર્યાં છે. અફઘાનિસ્તાનમાં તાલિબાનના કબ્જા બાદ તેઓએ POKમાં કાયદેસર જીતનો જલસો મનાવ્યો અને AK-47થી હવામાં ફાયરિંગ કર્યું હતું. પરંતુ હવે આને લઈને ભારતીય ગુપ્તચર એજન્સીઓને જાણકારી મળી છે કે આ 8 હજાર આતંકીઓની મદદથી જૈશ અને લશ્કર સાથે મળીને ISI ભારતીય સુરક્ષા દળો સામે મોટું કાવતરું ઘડવાનો પ્લાન બનાવી રહી છે અને ખબર એવી પણ છે કે ISI અફઘાનિસ્તાનમાં અમેરિકા પાસેથી મેળવેલાં આધુનિક હથિયારથી આતંકીઓની ઘૂસણખોરી કરાવી શકે છે.
હિન્દની બહાદુર સેના છે તૈયાર
તાલિબાન પાસેથી ક્રુરતા શીખીને આવેલાં આ આતંકીઓ પોતાને ખૂંખાર સમજવા લાગ્યા છે. તેઓ એ ભ્રમમાં છે કે ભારતીય સુરક્ષાદળ તેનો મુકાબલો નહીં કરી શકે. આ આતંકીઓને પાળનારા જૈશ અને લશ્કરને કંઈક આવો જ ભ્રમ રહેલો છે. તો આવો જ વહેમ દૂર કરવાનો સમય છે. ભ્રમ માત્ર પાકિસ્તાનમાં બેસેલાં આકાઓને જ નથી. પરંતુ આવા ભ્રમમાં પાકિસ્તાન સરકાર ત્યારથી જીવી રહી છે. જ્યારથી અફઘાનિસ્તાન પર તાલિબાનનો કબ્જો થયો છે. ઈમરાન અને બાજવા સમજે છે કે તાલિબાન કશ્મીર મામલે પાકિસ્તાનનો સાથ દેશે. જ્યારે તાલિબાન પહેલાં જ કહી ચૂક્યું છે. તે કશ્મીર મામલે નહીં ઘૂસે પરંતુ આ તાલિબાન છે. એટલે ભારત તેના દરેક ખતરાથી સાવધાન છે.
કુલ મળીને ભારત આતંક સામે લડવા માટે સજ્જ છે અને પાકિસ્તાનનુ એ અભિમાન તોડવા અને આતંકીઓને ઉપર પહોંચાડવા માટે સેનાના શૂરવીરોને દુશ્મનોનો ઈન્તઝાર છે.