હવામાન / ખેડૂતો આનંદો : દેશના 80 ટકા ભાગોમાં મેઘરાજાની એન્ટ્રી, જાણો હવામાન વિભાગે શું કરી આગાહી

• વરસાદે દેશના 80 ટકા ભાગને કવર કરી લીધો
• 17 જૂનથી મુંબઈની આસપાસના વિસ્તારોમાં વધુ વરસાદની આગાહી
• ગુજરાતમાં પણ સંભવિત તારીખ છે 15 જૂન  

વરસાદે દેશના 80 ટકા ભાગને કવર કરી લીધો
પશ્ચિમ દિશામાંથી આવનારી હવાએ દક્ષિણ પશ્ચિમના વરસાદને અટકાવી દીધો છે એટલે કે ઉત્તર ભારતના ઘણા બધા વિસ્તારોને થોડી રાહ જોવી પડશે.  પણ વરસાદે દેશના 80 ટકા ભાગને કવર કરી લીધો છે. ભારતીય હવામાન વિભાગના મહાનિર્દેશક મૃત્યુંજનય મહાપાત્રાના જણાવ્યા અનુસાર, વરસાદ હાલ દક્ષિણ ભારત, મધ્યપૂર્વી, ઉત્તરપૂર્વી અને ઉત્તરપશ્ચિમ ભારતના કેટલાક ભાગોમાં પહોંચી ગયો છે. દિલ્હીમાં આજે કે આવતીકાલે વરસાદ આવી શકે છે. પણ આ વખતે વરસાદ સમય કરતાં પહેલા આવી રહ્યો છે. કારણકે દર વર્ષે દિલ્હીમાં 27 જૂન પછી વરસાદનું આગમન થતું હોય છે. 

17 જૂનથી મુંબઈની આસપાસના વિસ્તારોમાં વધુ વરસાદની આગાહી 
કર્ણાટકના મેંગલોરમાં વધુ વરસાદને કારણે ફાલ્ગુન નદી પર બનેલ મારાવૂર બ્રિજ પર તીરડો પડી ગઈ છે. જેના પછી આ બ્રિજ પર વાહનોની અવર જવર બંધ કરી દીધી છે. હવામાન વિભાગ નું કહેવું છે કે 17 જૂનથી મુંબઈની આસપાસના વિસ્તારોમાં વધુ વરસાદની આગાહી છે. ઉત્તરાખંડ, ઉત્તર પ્રદેશ, મધ્ય પ્રદેશ, રાજસ્થાન, બિહાર, પંજાબ અને હરિયાણામાં 15 જૂનથી ગાજવીજ સાથે વરસાદ આવશે. વિજળીઓ પણ થશે અને જોરદાર પવન પણ ફૂંકાશે. આ સ્થિતિના કારણે ઘરની બહાર કામ કરવા વાળા અને માછીમારીઓ માટે ખતરો ઊભો થઈ શકે છે.  

નેઋૃત્વ ચોમાસું કેરળ થઈ ને ગોવા અને મહારાષ્ટ્રના મુંબઈ બાદ દક્ષિણ ગુજરાતમાં પ્રવેશી ચુક્યું છે ગુજરાતમાં ધીમે ધીમે ચોમાસાની શરૂઆત થઇ ગઇ છે. દક્ષિણ ગુજરાતમાં ચોમાસુ સક્રિય થઇ ગયું છે. આ વર્ષે ચોમાસું છેલ્લા 8 વર્ષની સરખામણી વહેલું છે. હવામાન વિભાગના જણાવ્યા અનુસાર ચોમાસું દીવ, સુરતથી આગળ વધી રહ્યું છે. અમદાવાદની સાથે સાથે ઉત્તર ગુજરાત માં પણ આગામી 15 થી 16 જૂન સુધીમાં વરસાદ થશે. જયારે આગામી 5 દિવસ માટે સૌરાષ્ટ્રના દરિયા કિનારાના પ્રદેશો અને દક્ષિણ ગુજરાતમાં હળવાથી ભારે વરસાદની આગાહી કરવામાં આવી છે.

कर्नाटक: मेंगलुरु में भारी बारिश की वजह से फाल्गुनी नदी पर बने मारावूर ब्रिज में दरारे आई। जिसके बाद ब्रिज पर वाहनों की आवाजाही बंद कर दी गई। pic.twitter.com/1PgpA6Vfkw

— ANI_HindiNews (@AHindinews) June 15, 2021

ગુજરાતમાં પણ સંભવિત તારીખ છે 15 જૂન 
દક્ષિણ ગુજરાતમાં ચોમાસું 5 દિવસ વેહલું બેઠું છે. 1 જૂનના રોજ કેરળમાં ચોમાસાની દસ્તક દે છે પરંતુ આ વર્ષે 3 જૂનના રોજ કેરળમાં ચોમાસાનું આગમન થયું હતું. પરંતુ બંગાળની ખાડીમાં ઉત્તર તરફ લો પ્રેસર અને અરબી સમુદ્રમાં દક્ષિણ પશ્ચિમના પવનો વધુ તેજ બનતાં નેઋત્વ ચોમાસું ઝડપી બન્યું હતું. ત્યારે સૌરાષ્ટ્ર, મધ્ય ગુજરાત અને ઉત્તર ગુજરાત સહિત અમદાવાદ માં પણ વરસાદની લોકો રાહ જોઇ રહ્યાં છે. 15 જૂન સુધી અમદાવાદમાં ભારે વરસાદની શક્યતા નહિવત છે. શનિવારે અમદાવાદ સહિત પાંચ શહેરોમાં ગરમીનો પારો 40 ડિગ્રીને પાર કરી કરી ગઈ છે. અમદાવાદમાં 15 જૂનની આસપાસ વરસાદ પડી શકે તેવી હવામાન ખાતાએ આગાહી કરી છે.