સુરતમાં નકલી ચલણી નોટ છાપતુ કારખાનું ઝડપાયું છે. જે મામલે એક યુવક અને એક મહિલાની ધરપકડ કરવામાં આવી છે. પોલીસે સમગ્ર મામલે વધુ તપાસ હાથ ધરી છે.
સુરતના સચિન વિસ્તારમાંથી બોગસ ચલણી નોટ ઝડપાઈ છે. રૂપિયા 80 લાખની બોગસ ચલણ સાથે એક યુવક અને એક મહિલાની ધરપકડ કરવામાં આવી છે. પોલીસે નકલી ચલણી નોટો કબ્જે કરીને આગળની કાર્યવાહી હાથધરી છે.
ઘરમાં કલર પ્રિન્ટરથી આ બન્ને ઘરમાં નોટો છાપતા હતા. પોલીસને બાતમી મળતા તેમણે ઘર પર દરોડા પાડ્યા હતા. તો ઘરમાં 80 લાખની નકલી નોટો હતી. જેને લઇને કાનજી ભરવાડ અને સુનિતા ભાઉની ધરપકડ કરવામાં આવી હતી. જ્યારે વધુ એક આરોપી સચિન પરમાર ફરાર થયો છે.
સુરત પોલીસના જણાવ્યા અનુસાર, કુલ 80 લાખની નકલી નોટો ઝડપાઇ છે. આ નકલી નોટોને ઘરમાં જ છાપવામાં આવી હતી. આ મામલે આરોપીઓની પૂછપરછ ચાલી રહી છે. અહીં છાપવામાં આવેલી નોટો માર્કેટમાં ફરતી થઇ છે કે કેમ તેની તપાસ ચાલુ કરવામાં આવી છે.
વધુમાં DCP વિધિ ચૌધરીએ જણાવ્યું કે, ત્રણેય સાથે મળીને નકલી નોટો છાપવાનું કામ કરતા હતા. પોલીસની બાતમીના આધારે રેડ કરવામાં આવી હતી. હાલ આરોપીઓની પૂછપરછ ચાલી રહી છે. આ લોકો વિરૂદ્ધ અગાઉ ભાવનગરમાં પણ બે ગુના દાખલ થયેલા છે. તેમને 2000, 500 અને 100ની નોટો છાપવી સરળ લાગતી હતી. તો આ લોકો દ્વારા નકલી નોટો છાપવાનું શરૂ કરવામાં આવ્યું હતું.