ગાંધીનગર / ગૃહ વિભાગનો મહત્વનો નિર્ણય: ગુજરાતના 8 પોલીસ મથકો અને 16 ચોકીઓને કરાશે અપગ્રેડ, મહેકમ કરાયું મંજૂર

• રાજ્યના 8 નવા પોલીસ મથકો, 16 ચોકીઓ માટે મહેકમ મંજૂર
• 5 જિલ્લાના PSI કક્ષાના 8 પોલીસ મથકોને PI કક્ષાના કરાશે
• વડનગરને મળશે પીઆઈ કક્ષાનું નવું પોલીસ સ્ટેશન

રાજ્યમાં 8 નવા પોલીસ મથકો સાથે 16 નવી પોલીસ ચોકીઓને પણ મંજૂરી અપાઈ છે. પોલીસ મથકો માટે 582નું મહેકમ મંજૂર કરવામાં આવ્યું છે જ્યારે નવીન પોલીસ ચોકી માટે 60નું મહેકમ મંજૂર કરાયું છે. આથી વડનગરને પીઆઈ કક્ષાનું પોલીસ સ્ટેશન મળશે.

ગુજરાતના ગૃહ વિભાગ દ્વારા રાજ્યના 8 નવા પોલીસ મથકો અને ચોકી માટે મહેકમ મંજૂર કરાયું, 5 જિલ્લાના PSI કક્ષાના 8 પોલીસ મથકોને અપગ્રેડ કરી PI કક્ષાના કરાશે, વડનગરને મળશે PI કક્ષાનું પોલીસ સ્ટેશન#PoliceStation #vadnagar #Gujarat #VTVGujarati

— VTV Gujarati News and Beyond (@VtvGujarati) October 1, 2022

ચૂંટણી પહેલા ગુજરાત પોલીસ બેડામાં કરાયો હતો ધરખમ ફેરફાર

ઉલ્લેખનીય છે કે, તાજેતરમાં જ ગુજરાતમાં પોલીસ બેડામાં પણ ધરખમ ફેરફાર કરવામાં આવ્યો હતો. 182 PSIની બદલી કરાયા બાદ રાજ્યમાં 63 PSIની આંતરિક બદલી કરવામાં આવી હતી. એ સિવાય રાજ્યના 113 PIની તાત્કાલિક અસરથી બદલી કરવામાં આવી હતી. ગુજરાતના 113 બિન હથિયારી પોલીસ ઇન્સ્પેક્ટર (PI)ની બદલીના DGP આશિષ ભાટિયાએ ઓર્ડર કર્યો હતો.

આ સિવાય વિધાનસભા ચૂંટણી પહેલાં ગુજરાતમાં મોટા પાયે ઉચ્ચ અધિકારીઓની ફેરબદલીઓ કરવામાં આવી રહી છે. ત્યારે તાજેતરમાં જ IPS અધિકારીઓની બઢતી અને બદલી બાદ 82 DySPની બદલી કરવામાં આવી હતી.

22 IPS અને SPS અધિકારીઓના કરાયા હતા ટ્રાન્સફર અને પ્રમોશન

IPS અને SPS અધિકારીઓના ટ્રાન્સફર અને પ્રમોશન કરવામાં આવ્યા હતા. 19 IPS અને 3 SPS અધિકારીઓના ટ્રાન્સફર અને પ્રમોશન કરવામાં આવ્યા હતા. તદુપરાંત થોડાક દિવસો અગાઉ ગુજરાત રાજ્યના પોલીસ કર્મચારીઓને ગૃહ વિભાગે આપેલા વિવિધ ભથ્થાઓ અને પગારા વધારાની જાહેરાત બાદ દરેક પોલીસ કર્મચારીઓને એફિડેવિટ કરવા માટે મહત્વનો નિર્ણય લેવાયો હતો. એટલે કે સરકારે કરેલા એફિડેવિટના ઠરાવને રદ કરવામાં આવ્યો હતો. જે મુજબ હવેથી પોલીસ કર્મચારીઓએ કોઈ એફિડેવિટ નહીં કરવું પડે.