15 ઓગસ્ટના દિવસે સ્વતંત્રતા દિવસની ઉજવણી કરવામાં આવે છે. જેના ભાગરૂપે દેશભરમાં સઘન ચેકિંગ હાથધરવામાં આવી રહ્યુ છે. ત્યારે હવે સ્વતંત્રતા દિવસ પહેલા રાજસ્થાનથી 8 જેટલા પાકિસ્તાની નાગરિકો ઝડપાયા છે.
રાજસ્થાનના અનૂપગઢ બોર્ડર પાસેથી BSFના જવાનોએ પાકિસ્તાની નાગરિકોને ઝડપી પાડ્યા છે. તમામ લોકો પાસેથી BSFના જવાનોને પાકિસ્તાનના પાસપોર્ટ મળી આવ્યા હતા. BSFના જવાનોએ 4 મહિલા સહિત 8 લોકોની અટકાયત કરી હતી.
પ્રાથમિક પુછપરછ કરતા પાકિસ્તાની નાગરિકોએ હરિદ્વાર જવાનુ જણાવ્યુ હતુ. ત્યારે હવે BSFના જવાનોએ તમામ પાકિસ્તાની નાગરિકોની અટકાયત કરીને આગળની કાર્યવાહી હાથધરી છે.