કહેર / પુણેમાં ઝીકા વાયરસના વધુ નવા 8 કેસ સામે આવ્યા, જેમાંથી 7 તો છે પ્રેગ્નન્ટ મહિલાઓ

છેલ્લા કેટલાક સમયથી દેશના ઘણા રાજ્યોમાં ઝિકા વાયરસ પણ ઝડપથી ફેલાઈ રહ્યો છે અને ખાસ કરીને આ વાયરસ ખાસ કરીને પુણેમાં લોકો માટે ચિંતાનો વિષય બન્યો છે. મહારાષ્ટ્રના પુણેમાં ઝીકાના આઠ નવા કેસ નોંધાયા છે અને એ બાદ જિલ્લામાં ઝિકા વાયરસના કેસની કુલ સંખ્યા 81 પર પહોંચી ગઈ છે.

આટલું જ નહીં પુણે મ્યુનિસિપલ કોર્પોરેશન (PMC) દ્વારા નોંધાયેલા આઠ દર્દીઓમાંથી 7 સગર્ભા સ્ત્રીઓ છે, જો કે હાલ તે દરેકની હાલત સ્થિર છે. અત્યાર સુધીમાં 4 દર્દીઓના મોત થયા છે પરંતુ આ દર્દીઓને હ્રદયની સમસ્યા અને લીવરની બીમારીઓ પણ હતી, સાથે જ આ ચાર દર્દીઓની ઉંમર 68 થી 78 વર્ષની વચ્ચે હતી. ત

આરોગ્ય વિભાગના જણાવ્યા અનુસાર, " અત્યાર સુધી સંક્રમિત લોકોમાં 26 સગર્ભા મહિલાઓ સામેલ છે, જેમની નજીકથી દેખરેખ રાખવામાં આવી રહી છે. તેમાંથી મોટાભાગની મહિલાઓ સ્વસ્થ છે. ' જાણીતું છે કે આ વર્ષે 20 જૂને પુણેમાં ઝિકા વાયરસના સંક્રમણનો પ્રથમ કેસ નોંધાયો હતો. 46 વર્ષીય ડોક્ટરનો ટેસ્ટ પોઝિટિવ આવ્યો હતો બાદમાં તેની 15 વર્ષની પુત્રી પણ વાયરસથી સંક્રમિત મળી આવી હતી.

આ ઝિકા વાયરસ ખાસ કરીને સગર્ભાવસ્થા દરમિયાન માઇક્રોસેફાલી થઈ શકે છે. આ દરમિયાન મગજના અસામાન્ય વિકાસને કારણે બાળકનું માથું નોંધપાત્ર રીતે નાનું હોય છે. આ વાયરસ સંક્રમિત એડીસ મચ્છરના કરડવાથી ફેલાય છે, જે ડેન્ગ્યુ અને ચિકનગુનિયા પણ ફેલાવે છે. PMC આરોગ્ય વિભાગ મચ્છરોના પ્રજનનને રોકવા માટે દેખરેખ અને ધૂણી સહિત રોગચાળાને નિયંત્રિત કરવા માટે પગલાં લઈ રહ્યું છે.

વધુ વાંચો: તેલંગાણાથી લઇને ઉત્તરાખંડ સુધી, આજે અનેક રાજ્યોમાં ભારે વરસાદની ચેતવણી, ગુજરાતના 8 જિલ્લાઓમાં તો એલર્ટ જાહેર

આરોગ્ય નિષ્ણાતો કહે છે કે, ઝિકા વાયરસ મચ્છર કરડવાથી થતો ચેપી રોગ છે. જે લોકોમાં રોગપ્રતિકારક શક્તિ નબળી હોય તેઓને વધુ જોખમ હોય છે. નબળી રોગપ્રતિકારક શક્તિ ધરાવતા લોકો ચેપ સામે યોગ્ય રીતે લડવામાં સક્ષમ નથી. જેથી વૃદ્ધ લોકોને આ ચેપી રોગ થવાનું જોખમ વધારે હોય છે અને આ સિવાય ગર્ભવતી મહિલાઓ અને બાળકોને આ સંક્રમણને કારણે ગંભીર બીમારીઓ થવાનું જોખમ રહેલું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ