મોટા સમાચાર / રાજ્યસભામાં કૃષિ બિલનાં વિરોધમાં હંગામો કરનારા 8 સાંસદોને કરાયા સસ્પેન્ડ, જાણો કોણ કોણ સસ્પેન્ડ

• રાજ્યસભામાં કૃષિ બિલ મુદ્દે થયેલા હોબાળાનો મામલો
• હોબાળા બદલ વિપક્ષના 8 સાંસદોને કરાયા સસ્પેન્ડ
• બિલ ગેરબંધારણીય રીતે પાસ કર્યું હોવાનો ડેરેક ઓ'બ્રાયને કર્યો હતો આક્ષેપ

TMC સાંસદ ડેરેક ઓ બ્રાયન, આપ સાંસદ સંજય સિંહ રાજૂ સાતવ, CPI(M)ના કેકે રાગેશ, કોંગ્રેસના રિપુન બોરા, CPI(M)ના ઇલામરમ કરીમ અને ડોલા સેન પણ સસ્પેન્ડને આખા અઠવાડિયા માટે સસ્પેન્ડ કરવામાં આવ્યા છે. 

રાજ્ય સબાના સભાપતિ વૈંક્યા નાયડૂએ સાંસદોના વર્તન માટે નારાજગી વ્યક્ત કરી હતી. નાયડૂએ ઉપસભાપતિ હરિવંશની વિરુદ્ધ વિપક્ષનો અવિશ્વનો પ્રસ્તાવ ફગાવી દીધો હતો. નાયડૂએ કહ્યું કે પ્રસ્તાવ યોગ્ય પ્રારુપમાં નહોતો.  સાંસદોએ બિલના વિરોધમાં હોબાળો કર્યો હતો.  બિલ ગેરબંધારણીય રીતે પાસ કર્યું હોવાનો ડેરેક ઓ'બ્રાયને આક્ષેપ કર્યો હતો.

ઉલ્લેખનીય છે કે રાજ્યસભામાં રવિવારે કૃષિ બિલ પર ચર્ચા દરમિયાન ઘણો હંગામો જોવા મળ્યો હતો. આ બિલને પસાર કરવાના સમયને આગળ વધારી દેવામાં આવ્યો છે. વિરોધ કરતા વિપક્ષી દળ નારેબાજી કરતા સભાપતિના આસનની સામે ભેગા થઈ ગયા હતા. તેમણે સરકાર પર ખેડૂત વિરોધી હોવાનો આરોપ લગાવ્યો હતો.