દુર્ઘટના / મોરબીમાં ભારે વરસાદથી ઝૂંપડાઓ પર દિવાલ પડતા 8 લોકોના મોત

મોરબીમાં ભારે વરસાદ થતા પૂરની સ્થિતિ સર્જાઇ છે ત્યારે કંડલા બાયપાસ રોડ પર આવેલ કામધેનુ પાર્ટી પ્લોટની દિવાલ બાજુમાં વસવાટ કરતા મજૂરો પર ધસી પડી હતી. જેમાં 8 લોકોના મોત થયા છે. અન્ય લોકો દટાયા હોવાની આશંકા છે. ત્યારે ફાયર વિભાગ દ્વારા કાટમાળ હટાવવાની કામગીરી હાથ ધરાઇ છે.

મહત્વનું છે કે, આ દુર્ઘટનાની જાણ થતા તાત્કાલિક મોરબી જિલ્લા કલેક્ટર અને એસપી સહિતનો કાફલો ઘટના સ્થળે પહોંચ્યો હતો. તંત્ર દ્વારા બચાવ કામગીરી હાથ ધરાઇ છે.

આ મામલે મોરબીના એડી. કલેક્ટર કેતન જોષીના જણાવ્યા અનુસાર, આ દુર્ઘટનામાં કુલ 8 લોકોના મોત થયા છે. આ જગ્યાની બાજીમાં દિવાલને અડીને ઝૂંપડાઓમાં મજૂર પરિવારો રહેતા હતા. આ દિવલ ઝૂંપડાઓ પર પડતા મજૂરો દટાયા હતા. જેમને તાત્કાલિક બહાર કાઢીને હોસ્પિટલે ખસેડાયા હતા. જેમાં એક મહિલા સહિત 8ના કરૂણ મોત નિપજ્યાં છે.

મૃતકોની યાદીઃ

1. તેજલ સોનુભાઇ બરાડી(ઉ.વ.13)
2. લલીતા સોનુભાઇ બરાડી(ઉ.વ.16)
3. કસમાબેન સોનુભાઇ બરાડી(ઉ.વ.30)
4. અકલેશ સોનુભાઇ બરાડી(ઉ.વ.14)
5. આશાબેન પૂનમ આંબલીયા(ઉ.વ.15)
6. કવિલા બિદેશ ડામોર(ઉ.વ.19)
7. બિદેશભાઇ મિલીભુડા (ઉ.વ.20)
8. કાળીબેન બલુભાઇ(ઉ.વ.18)