નવા મહિનાથી એટલે કે સપ્ટેમ્બર મહિનાથી કુલ 8 બાબતોમાં મોટા ફેરફાર આવવા જઈ રહ્યા છે જેની અસર તમારા ખિસ્સા પર થઈ શકે છે. તો જાણો કયા નિયમો છે અને તેમાં કેવા ફેરફાર આવશે.
સપ્ટેમ્બર મહિનાથી બદલાઈ જશે આ નિયમો
8 નિયમોના ફેરફાર તમારા ખિસ્સા પર કરશે અસર
જાણો બેંક, ગેસ અને ઈન્શોરન્સના નિયમોમાં શું આવશે ફેરફાર
આવનારા મહિનાથી એટલે કે સપ્ટેમ્બરથી તમારા જીવનમાં અનેક મોટા ફેરફાર આવી શકે છે. જેમાં તમે ખાસ કરીને ઈપીએફથી લઈને ચેક ક્લિયરિંગ અને બચત ખાતા પર વ્યાજથી લઈને ગેસ સિલિન્ડરના ભાવ અને ગૂગલ ડ્રાઈવ જેવી સેવાઓની સાથે કાર ડ્રાઇવિંગ અને અમેઝોનના નિયમોમાં ફેરફાર જોઈ શકશો. જાણો શું હશે આ નવા ફેરફારો અને તે તમને કેવી રીતે અસર કરશે.
1. PF રૂલ્સમાં આવશે ફેરફાર
નોકરી કરનારા માટે આ વાત કામની છે. સપ્ટેમ્બર મહિનાથી જો તમે UANને તમારા આધાર સાથે લિંક નહીં કરો તો તમારા પ્રોવિડન્ટ ફંડમાં રૂપિયા જમા થશે નહીં. EPFOએ ખાતાધારકોને માટે પહેલાથી આ કામ કરવાનું કહ્યું છે. જો આધારને યૂએએન નંબર સાથે લિંક નહીં કરો તો મુશ્કેલી આવશે.
2.બદલાઈ રહી છે ચેક ક્લિયરિંગ સિસ્ટમ
જો તમે પણ ચેકથી પેમેન્ટ કરો છો તો હવે નવા મહિનાથી 50000 રૂપિયાથી વધારેના ચેક માટે તમારે મુશ્કેલીનો સામનો કરવો પડશે. બેંકે પોઝિટિવ પે સિસ્ટમ શરૂ કરી છે. જેમાં એક્સિસ બેંક નવા મહિનાથી આ સિસ્ટમ લાગૂ કરશે.
3. PNB ના સેવિંગ્સ એકાઉન્ટ પર ઘટશે વ્યાજ
Punjab National Bank- PNBના ગ્રાહકોને માટે ફરી એક વાર ઝટકો લાગશે. આ બેંક બચત ખાતામાં વ્યાજ પર ઘટાડો કરી રહી છે. આ જાણકારી બેંકની વેબસાઈટ પર આપવામાં આવી છે. બેંકે બચત ખાતાના વ્યાજને 3 ટકાથી 2.90 ટકા કર્યું છે. જેની અસર નવા અને જૂના બંને ગ્રાહકો પર થશે.
4. બદલાઈ જશે ગેસ સિલિન્ડર મળવાનો સમય
1 સપ્ટેમ્બરથી LPG સિલિન્ડરની કિંમતોમાં ફેરફાર આવી શકે છે. આ સાથે ગેસ સર્વિસની તરફથી ગેસ ડિલિવરીનો સમય પણ બદલાઈ જશે. ઘારાનોલામાં શહેરી અને ગ્રામીણ વિસ્તારોમાં ગેસ પહોંચાડવાના સમય બદલાશે.
5. બદલાઈ જશે કાર ઈન્શ્યોરન્સનો નિયમ
મદ્રાસ હાઈકોર્ટમાં નક્કી કરાયા મુજબ 1 સપ્ટેમ્બરથી કોઈ વાહન વેચાશે તો તેનું બંપર ટૂ બંપર ઈન્શ્યોરન્સ અનિવાર્ય રહેશે. તેનો સમય 5 વર્ષનો રહેશે અને ડ્રાઈવર, પેસેન્જર અને વાહનના માલિકોને કવર કરનારા ઈન્શ્યોરન્સ જરૂરી રહેશે. આ સાથે તેમાં વાહનના એ ભાગને પણ કવર કરાશે જેને સામાન્ય વીમા કંપની કવર કરતી નથી.
6. OTT પ્લેટફોર્મનું સબ્સ્ક્રીપ્શન થશે મોંઘું
ભારતમાં ઓટીટી પ્લેટફોર્મ ડિઝની પ્લસ હોટસ્ટાર (Disney plus hotstar) નું સબ્સ્ક્રીપ્શન નવા મહિનાથી મોંઘું થશે. આ સાથે યૂઝર્સનો બેઝ પ્લાન 399ને બદલે 499 રૂપિયાનો થશે. યૂઝર્સને 100 રૂપિયા વધારે ખર્ચ કરવાના રહેશે. આ સાથે 899માં 2 ફોનમાં એપ ચલાવવાની સુવિધા મળશે. આ સિવાય આ પ્લાનમાં એચડી ક્વોલિટી મળે છે. તેમાં 1499 રૂપિયામાં 4 સ્ક્રીન પર એપને ચલાવી શકાશે.
7. અમેઝોન લોજિસ્ટિક કોસ્ટમાં કરશે વધારો
અમેઝોન ડીઝલ અને પેટ્રોલની કિંમત વધવાના કારણે લોજિસ્ટિક કોસ્ટમાં વધારો કરી શકે છે. તેનાથી 1 સપ્ટેમ્બર 2021થી અમેઝોનથી સામાન મંગાવવાનું મોંઘું થશે. એવામાં 500 ગ્રામના પેકેજ માટે 58 રૂપિયા આપવા પડી શકે છે તો તેની રિટેલ કોસ્ટ 36.50 રૂપિયા રહેશે.
8. આ પ્રકારના એપ પર લાગશે રોક
ગૂગલની નવી પોલિસી 1 સપ્ટેમ્બર 2021થી લાગૂ રહી છે. આ સાથે ફેક કંટેન્ટ પ્રમોટ કરનારા એપ્સ પર 1 સપ્ટેમ્બરથી પ્રતિબંધ લગાવાશે. ગૂગલે પોતાના બ્લોગ પોસ્ટમાં કહ્યું કે એપ ડેવલપર્સની તરફથી લાંબા સમય સુધી ઉપયોગમાં ન લેનારા એપ્સને બ્લોક કરી દેવાશે. ગૂગલ પ્લે સ્ટોરના નિયમોને પહેલાથી વધારે કડક બનાવાશે. આ સાથે ગૂગલ ડ્રાઈવ યૂઝર્સને 13 સપ્ટેમ્બરે નવા સિક્યોરિટી અપડેટ મળશે. તેનો ઉપયોગ પહેલા કરતા વધારે સુરક્ષિત રીતે કરી શકાશે.