બંદૂકધારી ગેંગના સભ્યોએ મોડલ્સને દબાણ કરી બળજબરીથી મ્યુઝિક વીડિયો શૂટ કરાવ્યો હતો. આ પછી તે ટોળકીમાં મોડલ બનેલી 8 છોકરીઓ સાથે ગેંગના સભ્યોએ સામૂહિક બળાત્કાર ગુજાર્યો
દક્ષિણ આફ્રિકામાં બંદૂકધારી ગેંગના સભ્યોએ 8 યુવતીઓ સાથે ગેંગરેપ કર્યો
બંદૂકધારી ગેંગે મોડલ્સને દબાણ કરી બળજબરીથી મ્યુઝિક વીડિયો શૂટ કરાવ્યો
બાદમાં એક યુવતીને 10-10ના ટોળાંએ બનાવી હવસનો શિકાર
પોલીસે 20 શંકાસ્પદ લોકોની પૂછપરછ કરીને ત્રણ લોકોની ધરપકડ કરી
દક્ષિણ આફ્રિકામાં એક ચોંકાવનારી ઘટના સામે આવી છે. વિગતો મુજબ હથિયારધારી માણસોની ટોળકીએ મ્યુઝિક મોડલ્સને વીડિયો શૂટ કરવા દબાણ કર્યું હતું. શૂટ બાદ આઠ મોડલ પર બળાત્કાર થયો હતો. મોડલિંગ કરતી આઠ યુવતીઓ પર બળાત્કાર થયા બાદ શહેરમાં ખળભળાટ મચી ગયો છે. આ કેસમાં પોલીસે કેસ નોંધીને 20 શંકાસ્પદ લોકોની પૂછપરછ કરીને ત્રણ લોકોની ધરપકડ કરી છે. મ્યુઝિક વિડિયો શૂટ કર્યા પછી મૉડલ્સ પૅકઅપ કરવાની તૈયારી કરી રહી હતી ત્યારે આ ગેંગે હુમલો કર્યો હોવાનું સામે આવ્યું છે.
દક્ષિણ આફ્રિકામાં જોહાનિસબર્ગની પશ્ચિમે આવેલા નાના શહેર ક્રુગર્સડોર્પની હદમાં 8 યુવતીઓ સાથે ગેંગરેપની ઘટનાને લઈ હડકંપ મચી ગયો છે. જોકે મહત્વનું છે કે, દક્ષિણ આફ્રિકામાં બળાત્કારની ઘટના ભાગ્યે જ નોંધાય છે પરંતુ આ ઘટનાને લઈ ચકચાર મચી ગઈ છે. આ ઘટનામાં બંદૂકધારી ગેંગના સભ્યોએ બળજબરીથી મ્યુઝિક વીડિયો શૂટ કરાવી અને બાદમાં સ્થળ પર હાજર મોડેલ્સ સાથે ગેંગરેપ કર્યો હતો.
શું હતી સમગ્ર ઘટના ?
ગુરુવારે જોહાનિસબર્ગની પશ્ચિમે આવેલા નાના શહેર ક્રુગર્સડોર્પની હદમાં મ્યુઝિક વિડિયો શૂટ કરવામાં આવી રહ્યો હતો. આ સમયે અચાનક કેટલાક બંદૂકધારી ત્યાં પહોંચી ગયા હતા. બંદૂકધારી ગેંગના સભ્યોએ મોડલ્સને દબાણ કરી બળજબરીથી મ્યુઝિક વીડિયો શૂટ કરાવ્યો હતો. આ પછી તે ટોળકીમાં મોડલ બનેલી 8 છોકરીઓ સાથે ગેંગના સભ્યોએ સામૂહિક બળાત્કાર ગુજાર્યો હતો.
શું કહ્યું સ્થાનિક પોલીસે ?
પોલીસ પ્રધાન ભીકી સેલે જણાવ્યું હતું કે, સુરક્ષા દળોએ જોહાનિસબર્ગની પશ્ચિમમાં આવેલા નાના શહેર ક્રુગર્સડોર્પની બહારના વિસ્તારમાં ગુરુવારે થયેલા હુમલામાં અત્યાર સુધીમાં લગભગ 20 શંકાસ્પદોમાંથી ત્રણની ધરપકડ કરી છે. તેમણે કહ્યું કે જ્યારે તેઓ સાધનસામગ્રી ઉતારી રહ્યા હતા અને સેટ તૈયાર કરી રહ્યા હતા, ત્યારે ટોળકીએ હુમલો કર્યો અને ક્રૂ પર હુમલો કર્યો. આ સાથે બંદૂકધારીઓએ મૉડલ્સ પર બળાત્કાર કર્યો હતો. તો મ્યુઝિક આલ્બમ શૂટ કરનારા માણસોનો અંગત સામાન લૂંટી લીધો હતો. દ
એક મહિલા પર 8-8, 10-10 પુરુષોએ બળાત્કાર ગુજાર્યો
દક્ષિણ આફ્રિકામાં જોહાનિસબર્ગની પશ્ચિમે આવેલા નાના શહેર ક્રુગર્સડોર્પની હદમાં ગેંગરેપની ઘટનાથી ચકચાર મચી ગઈ છે. આ તરફ એક ચોંકાવનારી વિગત પણ સામે આવી છે. સ્થાનિક પોલીસે જણાવ્યું કે, જે યુવતીઓ પર મોડલ્સ દ્વારા બળાત્કાર કરવામાં આવ્યો હતો તેમની ઉંમર 18 થી 35 વર્ષની વચ્ચે હતી. પોલીસના જણાવ્યા અનુસાર, એક મહિલા પર 8-8, 10-10 પુરુષોએ બળાત્કાર ગુજાર્યો હતો.