કોઈપણ વસ્તુ અતિ ખાવામાં આવે તો તેનાથી નુકસાન જ થાય છે. એવી જ એક હેલ્ધી વસ્તુ છે ટામેટા. ટામેટા પણ અતિ ખાવામાં આવે તો ગંભીર નુકસાન થઈ શકે છે. ચાલો જાણીએ.
સ્વાસ્થ્ય માટે ગુણકારી ટામેટા પણ છે નુકસાનકારક
વધુ ટામેટા ખાવા સ્વાસ્થ્ય માટે હાનિકારક સાબિત થઇ શકે છે
પેટ ખરાબ કરી શકે છે ટામેટા
શાકભાજી, સૂપ અથવા સલાડમાં ટામેટાનો ઉપયોગ લગભગ દરેક વસ્તુમાં કરવામાં આવે છે. આમ તો ટામેટા ખાવાના ઘણાં ફાયદા છે. પરંતુ જો વધુ પ્રમાણમાં ટામેટા ખાઈ લેવામાં આવે તો તેના નુકસાન પણ ગંભીર છે. ચાલો જાણીએ ટામેટા ખાવાના નુકસાન.
પેટ ખરાબ થવું
ટામેટા ખાવાથી પાચન તંત્ર સ્વસ્થ રહે છે પરંતુ એને વધુ માત્રામાં ખાવામાં આવે તો તેની વિપરીત અસર થાય છે. જે લોકોને ઈરીટેબલ બાઉલ સિંડ્રોમની સમસ્યા છે એવા લોકોમાં થોડી માત્રામાં પણ ટામેટા ખાવાથી પેટ ફૂલી જવાની સમસ્યા રહે છે. એ ઉપરાંત ટામેટાની વધુ માત્રા ખાવાથી ડાયરિયા પણ થઈ શકે છે.
એસિડ રિફ્લક્સ
ટામેટામાં વધુ પ્રમાણમાં એસિડ હોય છે. જો તમને રિએક્શન અથવા છાતીમાં બળતરા થાય તો ખૂબ જ ઓછાં પ્રમાણમાં ટામેટાનું સેવન કરો. ટામેટા તમારા પેટમાં એસિડ વધારે છે જેના કારણે પાચનની સમસ્યા વધી શકે છે.
કિડની સ્ટોનની સમસ્યા
ટામેટામાં ભરપૂર માત્રામાં પોટેશિયમ હોય છે. જે લોકોમાં કિડનીની બીમારી હોય છે એમને પોટેશિયમ ઓછું લેવાની સલાહ આપવામાં આવે છે. ટામેટામાં ઓક્સલેટ હોય છે. જે કિડની સ્ટોન બનાવવાનું કામ કરે છે. જો તમને પહેલાંથી જ કિડની સ્ટોનની સમસ્યા છે તો ટામેટાના સેવન અને માત્રાને લઈને તમારા ડોક્ટરની સલાહ લો.
બ્લડપ્રેશરની સમસ્યા
કાચાં ટામેટામાં સોડિયમ ખૂબ ઓછું હોય છે અને એ હાઈ બ્લડ પ્રેશર ઓછું કરે છે પરંતુ જો તમે રેડીમેડ ટામેટા અથવા ટામેટાના સૂપનો ઉપયોગ કરો છો તો એ હાનિકારક છે. એમાં વધુ માત્રામાં સોડિયમનો ઉપયોગ કરવામાં આવે છે જે તમારા બ્લડ પ્રેશરને વધારવાનું કામ કરે છે.
એલર્જીની સમસ્યા
જે લોકોને હિસ્ટામાઇન કમ્પાઉન્ડથી એલર્જી હોય તેમને ટામેટાનું એલર્જીક રિએક્શન થઇ શકે છે. આનાથી એક્ઝિમા, ફોલ્લીઓ, ખંજવાળ, ગળામાં દુખાવો અને ચહેરા પર સોજો આવે છે. ટમેટાથી એલર્જીવાળા લોકોને તેની થોડી વધુ માત્રાથી પણ શ્વાસ લેવામાં તકલીફ થવા લાગે છે.
યુરિનરી ટ્રેક્ટ ઈન્ફેક્શન
ટામેટામાં એસિડ વધારે હોય છે અને વધુ માત્રામાં ખાવાથી બ્લેડરમાં બળતરા થાય છે. જો તમને યુરિનરી ટ્રેક્ટ ઈન્ફેક્શનની સમસ્યા છે, તો ટામેટાની વધુ માત્રા તમારી સમસ્યામાં વધારો કરી શકે છે.
માસપેશીઓમાં દુખાવો
ટામેટામાં મળતા હિસ્ટામાઈનથી કમ્પાઉન્ડ સાંધાનો દુખાવો અને સોજાની સમસ્યા થઈશકે છે. ટામેટામાં રહેલાં સોલનિનને કારણે કેટલાક લોકો ઈન્ફ્લેમેશનથી પણ પીડાય છે. ટામેટાની વધુ માત્રા લેવાથી સંધિવા અને સ્નાયુઓમાં દુખાવો પણ વધે છે.
માઈગ્રેનનો દુખાવો
આરોગ્ય નિષ્ણાતોના જણાવ્યા મુજબ, ટામેટાની વધુ માત્રા માઈગ્રેનનો દુખાવો વધારવાનું કામ કરે છે. ઈરાનના એક અભ્યાસમાં આ વાતની પુષ્ટિ થઈ છે. એક્સપર્ટ મુજબ, આહારમાં ફેરફાર કરીને માઈગ્રેનને 40 ટકા સુધી નિયંત્રિત કરી શકાય છે. જો તમે માઈગ્રેનથી પીડિત છો તો ટમેટાનું સેવન ઓછું કરો.