Android Malwareને લઇને એક વખત ફરીથી ચેતવણી જાહેર કરવામાં આવી છે. એક રિપોર્ટ મુજબ, 8 ખતરનાક એપ્સમાં ફરીથી મેલવેયર આવ્યું છે. આ એપ્સને જો તમે પણ ડાઉનલોડ કરી છે તો તેને તાત્કાલિક ડિલીટ કરી દો.
એન્ડ્રોઈડ યુઝર્સ સાવધાન !
આ 8 ખતરનાક એપ્સને પોતાના ફોનમાંથી તાત્કાલિક કરી દો ડિલીટ
તમારા ફોનમાંંથી પર્સનલ ડેટા અને બીજી માહિતી ચોરી શકે
એન્ડ્રોઈડ યુઝર્સને 8 મેલિશિયસ એપ્સ માટે ચેતવણી અપાઈ
એન્ડ્રોઈડ સ્માર્ટ ફોન યુઝર્સને એક વખત ફરીથી ચેતવણી જાહેર કરવામાં આવી છે. આ વખતે એન્ડ્રોઈડ યુઝર્સને 8 મેલિશિયસ એપ્સ માટે ચેતવણી આપવામાં આવી છે. જો કે, ગુગલે સમય રહેતા આ એપ્સને પ્લે સ્ટોર પરથી હટાવી દીધી. જો કે, હજી પણ ઘણા યુઝર્સના મોબાઈલમાં આ એપ્સ હોઇ શકે છે, જેણે આ એપ્સને ડાઉનલોડ કરી હતી. આ ઉપરાંત આ એપ્સના APK વર્ઝન પણ ગુગલ પર ઉપલબ્ધ છે. જેને લઇને ફ્રેન્ચ રિસર્ચર Maxime Ingrao એ વોર્નિગ આપી છે.
તમારા એન્ડ્રોઈડ સ્માર્ટ ફોનમાંથી તાત્કાલિક ડિલીટ કરી દો
અહીં પણ તમને આ એપ્સની યાદી બતાવી રહ્યાં છે, જેને તમે તમારા એન્ડ્રોઈડ સ્માર્ટફોનમાંથી તાત્કાલિક ડિલીટ કરી દો. આ એપ્સ મેલેશિયસ હોવાના કારણે તમારા ફોનમાંથી પર્સનલ ડેટા અને બીજી માહિતી ચોરી શકે છે. જેનાથી તમને ઘણુ નુકસાન થાય છે. Vlog Star Video Editor એપને પણ આ કેટેગરીમાં રાખવામાં આવી છે. આ એપને 1 મિલિયનથી વધુ યુઝર્સ ડાઉનલોડ કરી ચૂક્યા છે. આ સિવાય Creative 3D Launcherને પણ જો તમે ડાઉનલોડ કર્યુ છે તો તેને તાત્કાલિક ડિલીટ કરી દો. આને પણ લાખો વખત ડાઉનલોડ કરવામાં આવ્યું છે.
ફની કેમેરાને પણ તાત્કાલિક ડિલીટ કરી દો
ફની કેમેરાને પણ ફોનમાંથી તાત્કાલિક ડિલીટ કરી દો. જેમકે નામ પરથી સ્પષ્ટ છે, આ કેમેરા એપ કેમેરા ફિલ્ટર ઑફર કરે છે. જેને 5 લાખથી વધુ વખત ડાઉનલોડ કરવામાં આવી છે. આ સિવાય Wow Beauty Camera એપને પણ ફોનમાંથી રિમૂવ કરી દો.