કોરોનાએ ગુજરાતને પણ ભરડામાં લેવાનું શરૂ કરી દીધુ છે. ગુજરાતમાં ગઈકાલ સુધીમાં 7 કોરોના પોઝિટિવ કેસ સામે આવ્યા હતા જેમાં અમદાવાદમાં 3 અને વડોદરા 2, સુરતમાં 1 અને રાજકોટમાં 1 કેસ સામેલ હતો. આજે વડોદરામાં વધુ એક કેસ પોઝિટિવ આવતા ગુજરાતમાં કોરોનાગ્રસ્ત દર્દીઓનો આંકડો 8 પર પહોંચ્યો છે.
અમદાવાદમાં 3 પોઝિટિવ, વડોદરામાં 3
રાજકોટમાં એક પોઝિટિવ
સુરતમાં એક પોઝિટિવ
વડોદરામાં કુલ 3 કેસ
ગુજરાતમાં કોરોના વાયરસનો ખતરો સતત વધી રહ્યો છે. રાજ્યમાં વધુ એક કોરોનાનો પોઝિટિવ કેસ સામે આવ્યો છે. વડોદરામાં કોરોનાનો ત્રીજો કેસ પોઝિટિવ આવ્યો છે. શ્રીલંકાથી આવેલા નિઝામપુરાના વ્યક્તિનો રિપોર્ટ પોઝિટિવ આવ્યો છે. 14મી માર્ચના રોજ શ્રીલંકાથી વડોદરા આવ્યા હતા. 56 વર્ષીય દર્દીને આઇસોલેશન વોર્ડમાં રાખવામાં આવ્યા છે.
અમદાવાદમાં 3 પોઝિટિવ
અમદાવાદમાં 2 યુવતી અને એક યુવક વિદેશથી આવ્યા બાદ કોરોનામાં પટકાયા છે. હજુ આ આકંડો વધી શકે છે.
રાજકોટમાં એક પોઝિટિવ
રાજકોટમાં 42 વર્ષીય વ્યક્તિનો પણ કોરોના ટેસ્ટ પોઝિટિવ
રાજકોટનો 42 વર્ષીય પ્રૌઢ મદીનાથી મુંબઈ થઈને ટ્રેનમાં રાજકોટ પહોંચ્યો હતો. તેનામાં કોરોનાના લક્ષણ મળતાં તેના 17 જેટલા સંબંધીઓને ક્વોરેન્ટાઈન કરાયા છે. આ સાથે જ આરોગ્ય વિભાગની ટીમે 18 હજારથી વધુ ઘરોમાં સર્વે પણ હાથ ધર્યો છે.
સુરતમાં એક પોઝિટિવ
સુરતની યુવતીનો કોરોના ટેસ્ટ પોઝિટિવ
સુરતની યુવતી લંડનમાં અભ્યાસ કરે છે. 16 માર્ચે તે પરત આવી પછી તેને ઉધરસ અને તાવની તકલીફ થતાં સિવિલમાં દાખલ કરાઈ હતી. ત્યાં તેની તપાસ કરાતાં તેનામાં કોરોનાના લક્ષણો મળી આવ્યા હતા. તેના સંપર્કમાં આવેલી 9 વ્યક્તિને ક્વોરેન્ટાઈન કરાઈ છે.