તમારા કામનું / કેન્દ્રીય કર્મચારીઓ માટે ખુશખબર! આ મહિનાની સેલેરીમાં 38,692 રૂપિયા મળશે વધુ, જાણો સરકારે શું કરી જાહેરાત

• કેન્દ્રીય કર્મચારીઓ માટે ખુશખબર 
• આ વખતે વધુ મળશે પગાર 
• જાણો સરકારે શું કરી જાહેરાત

કેન્દ્રીય કર્મચારીઓ માટે હોળીનો તહેવાર જબરદસ્ત રહેશે. કેન્દ્રીય કર્મચારીઓ અને પેન્શનર્સ માટે ખૂબ જ સારી ખબર છે. લાંબી રાહ જોયા બાદ મોંઘવારી ભથ્થામાં 3%નો વધારો ફિક્સ થશે. એટલ કે હવે કર્મચારીઓ અને પેન્શનર્સને 34%ના હિસાબથી મોંઘવારી ભથ્થુ મળશે. ઔદ્યોગિક શ્રમિકો માટે AICPI Indexના ડિસેમ્બર 2021ના સુચકાંકમાં એક આંકડાનો ઘટાડો થયો છે. તમને જણાવી દઈએ કે મોંઘવારી ભથ્થા માટે 12 મહિનાનો સુચકાંકના સરેરાશ 351.33 થાય છે જેના સરેરાશ 34.04% છે. પરંતુ મોંઘવારી ભથ્થું હંમેશા પૂર્ણાંકમાં જ આપવામાં આવે છે. એટલે કે જાન્યુઆરી 2022થી કુલ મોંઘવારી ભથ્થુ 34% મળવાનું નક્કી છે. 

જાણો ક્યારે થશે જાહેરાત 
આ સમયે કર્મચારીઓને 31% મોંઘવારી ભથ્થુ પહેલાથી મળી રહ્યું છે. પરંતુ તમને જણાવી દઈએ કે જાન્યુઆરી 2022થી 3% વધુ મોંઘવારી ભથ્થાનો ફાયદો મળશે. સાતમાં પગાર પંચની ભલામણ અનુસાર બેસિક સેલેરી પર જ મોંઘવારી ભથ્થાની ચુકવણી કરવામાં આવે છે. આશા છે કે માર્ચમાં તેની જાહેરાત કરવામાં આવી શકે છે.   

ડિસેમ્બરમાં AICPI-IWમાં ઘટાડો 
મહત્વનું છે કે સરકારના આ નિર્ણયથી 50 લાખથી વધારે કેન્દ્રીય કર્મચારીઓ અને 65 લાખ પેન્શનર્સને ફાયદો મળશે. ત્યાર બાદ હવે આવતા મહિને ભથ્થાની ગણતરી જુલાઈ 2022માં કરવામાં આવી રહી છે. ડિસેમ્બર 2021 માટે AICPI-IW  (All India Consumer Price Index for Industrial Workers)ના આંકડા જાહેર કરી દેવામાં આવ્યા છે. આ આંકડા અનુસાર, ડિસેમ્બરમાં આ આંકડા 0.3 ટકા ઘટીને 125.4 આંક પર રહ્યો. 

નવેમ્બરમાં આ આંકડા 125.7 આંક પર હતો અને ડિસેમ્બરમાં 0.24%નો ઘટાડો આવ્યો છે. પરંતુ તેમાં મોંધવારી ભથ્થામાં વધારાની કોઈ અસર નહીં પડે. લેબર મિનિસ્ટ્રીના AICPI IWના આંકડા આવ્યા બાદએ નક્કી થઈ ગયું છે કે આ વખતે મોંઘવારી ભથ્થામાં 3 ટકા વધારો થશે.