7th Pay Commission / કેન્દ્રીય કર્મચારીઓ માટે Good News! હવે ફેમિલીને પણ મળશે રૂ. 1.25 લાખ સુધીનું પેન્શન, જાણો કઈ રીતે

• કેન્દ્રીય કર્મચારીઓને સરકાર તરફથી મોટી ભેટ
• હવેથી કર્મચારીઓના પરિવારને પણ સરકાર આપશે પેન્શન!
• આ પેન્શન મહત્તમ અંદાજે રૂ. 1.25 લાખ સુધીનું હોઈ શકે છે

કેન્દ્રીય કર્મચારીઓને સરકારે નવી ભેટ આપી છે. નિયમો અનુસાર, હવેથી કેન્દ્રીય કર્મચારીઓના પરિવારને પણ સરકાર પેન્શનની સુવિધા આપશે. જો પરિવારમાં પતિ-પત્ની બંને સરકારી કર્મચારી છે, તો આવી સ્થિતિમાં તેમના પરિવારને પણ ફેમિલી પેન્શનનો અધિકાર મળશે. આ નિર્ણય સેન્ટ્રલ સિવિલ સર્વિસીસ પેન્શન (CCS પેન્શન) 1972 હેઠળ લેવામાં આવ્યો છે. જો બંને કર્મચારીઓ નિવૃત્તિ બાદ મૃત્યુ પામે છે, તો આવી સ્થિતિમાં તેમના પરિવારમાં બાળકો (નોમિની) ને પણ પેન્શન મળશે. આ પેન્શન મહત્તમ અંદાજે રૂ. 1.25 લાખ સુધીનું હોઈ શકે છે.

આ શરતના આધારે બાળકોને મળશે પેન્શન!

આ પેન્શનનો લાભ લેવા માટે કર્મચારીઓએ કેટલીક શરતો પૂરી કરવી પડશે. CCS પેન્શન 1972 ના નિયમ 54 (11) મુજબ, જો પતિ અને પત્ની બંને કેન્દ્રીય કર્મચારી છે અને તેમાં જો કોઇ એક વ્યક્તિનું મૃત્યુ થાય છે, તો બીજી વ્યક્તિને તેના કુટુંબનું પેન્શન મળશે. બીજી તરફ, જો બંને વ્યક્તિઓ નિવૃત્તિ બાદ મૃત્યુ પામે છે તો આવી સ્થિતિમાં તેમના બાળકને ફેમિલી પેન્શનની સુવિધા મળશે.

હવે મળશે 1.25 લાખ રૂપિયા સુધીનું પેન્શન

હવે કેન્દ્રીય કર્મચારીઓના પેન્શનની મહત્તમ મર્યાદા 2.5 લાખ સુધીની છે. પરંતુ, જો પતિ-પત્ની બંને મૃત્યુ પામે છે, તો આવી સ્થિતિમાં એક પેન્શનના 50 ટકા એટલે કે 1.25 લાખ અને બીજા 30 ટકા એટલે કે 75000 રૂપિયા આપવામાં આવશે.

પહેલાં મળતી હતી આટલી પેન્શનની સુવિધા

પહેલાં જો કોઇ કર્મચારીનું મૃત્યુ થઇ જતું તો તેના પરિવારને પેન્શનની સુવિધા મળતી હતી. પરંતુ, તે મર્યાદા માત્ર 45 હજાર રૂપિયા સુધીની જ હતી. આ પેન્શનને આપવા માટે, પેન્શન નિયમ 54 (11) નું પાલન કરવામાં આવતું. બીજી તરફ, માતા-પિતા બંનેના મૃત્યુ બાદ બાળકોને બંને પેન્શનનો લાભ મળવાની સ્થિતિમાં આ રકમ 27 હજાર રૂપિયા હતી. અગાઉના પેન્શનના નિયમ મુજબ, અગાઉ 90 હજારના 50 ટકા એટલે કે 45 હજાર રૂપિયા અને 27 હજાર રૂપિયા (બે પેન્શનનો લાભ મળવાના કિસ્સામાં) સુધીનો લાભ મળતો હતો.