ખેડૂતો અને કેન્દ્રીય કર્મચારીઓ માટે નવા વર્ષનો પહેલો મહિનો ફળદાયી નીવડી શકે છે.
નવા વર્ષ 2023નો આરંભ
જાન્યુઆરીમાં ખેડૂતોને અને કેન્દ્રીય કર્મચારીઓને મળી શકે લાભ
ખેડૂતોને 13મા હપ્તાના પૈસા અને કર્મચારીઓને ડીએ વધારો મળી શકે
નવું વર્ષ બેસી ગયું છે અને પહેલા મહિનામાં જ ખેડૂતોથી લઈને કેન્દ્રીય કર્મચારીઓ સુધી સારા સમાચાર મળવાના છે. ખેડૂતો પીએમ સન્માન નિધિના 13મા હપ્તાની રાહ જોઈ રહ્યા છે, ત્યારે કેન્દ્રીય કર્મચારીઓને મોંઘવારી ભથ્થું વધવાની આશા છે.
જાન્યુઆરીના પહેલા અઠવાડિયામાં મળી શકે 13મો હપ્તો
દેશના 12 કરોડથી વધુ ખેડૂતો પ્રધાનમંત્રી કિસાન સન્માન નિધિ (પીએમ-કિસાન) યોજનાના 13મા હપ્તાની રાહ જોઈ રહ્યા છે. સરકાર જાન્યુઆરી 2023 ના પહેલા અઠવાડિયામાં પીએમ-કિસાનનો 13 મો હપ્તો ટ્રાન્સફર કરી શકે છે.
કેન્દ્રીય કર્મચારીઓને મોંઘવારી ભથ્થું મળી શકે
કેન્દ્રીય કર્મચારીઓને મોંઘવારી ભથ્થું એટલે કે ડીએ મળવાનું છે. સામાન્ય રીતે માર્ચમાં તેની જાહેરાત થતી હોય છે, પરંતુ જાન્યુઆરીથી ભથ્થાની ગણતરી શરૂ થાય છે, જે કેન્દ્રીય કર્મચારીઓને એરિયર્સના રૂપમાં મળે છે. જાન્યુઆરીથી જૂન માટે મોંઘવારી ભથ્થું 4 ટકાના દરે વધારી શકાય છે. કેન્દ્રીય કર્મચારીઓને હાલમાં 38 ટકાના દરે મોંઘવારી ભથ્થું ચૂકવવામાં આવી રહ્યું છે. આ સંદર્ભમાં નવા વર્ષના પહેલા ભાગમાં કેન્દ્રીય કર્મચારીઓનું ભથ્થું 42 ટકા સુધી હોઈ શકે છે.