Good News / 7th Pay Commission: આ કર્મચારીઓ પર મહેરબાન મોદી સરકાર, DA પર મોટા એલાનની સંભાવના

• કેન્દ્ર સરકારના લાખો કર્મચારીઓ માટે Good News
• મોદી સરકાર કેન્દ્રીય કર્મચારીઓ માટે ફરીથી વધારશે મોંઘવારી ભથ્થુ
• કેન્દ્ર સરકાર ડીએને 3 ટકા વધારવાની તૈયારીમાં

1 જાન્યુઆરીથી મળશે કર્મચારીઓને લાભ 

મીડિયા રિપોર્ટ મુજબ, કેન્દ્ર સરકાર ડીએને 3 ટકા વધારવાની તૈયારીમાં છે. આ અંગે કેન્દ્રીય મંત્રીમંડળની બેઠકમાં ટૂંક સમયમાં વિચાર કરવામાં આવશે. વધી રહેલા મોંઘવારી ભથ્થાનો લાભ બધા કેન્દ્રીય કર્મચારીઓને 1 જાન્યુઆરી 2022થી મળશે. આ અંગે સત્તાવાર જાહેરાત ટૂંક સમયમાં શક્ય છે. સરકારી કર્મચારીઓ અને પેન્શન ધારકોને મોંઘવારીના મારથી બચાવવા માટે તેમનો પગાર-પેન્શનમાં આ કમ્પોનન્ટ જોડવામાં આવ્યું છે. મોંઘવારી ભથ્થુ વધારવાથી એપ્રિલ મહિનામાં કેન્દ્રીય કર્મચારીઓને ફાયદો થશે. પહેલા એવુ માનવામાં આવતુ હતુ કે સરકાર હોળી પહેલા ડીએ વધારવાની જાહેરાત કરી દેશે. કારણકે હવે જાહેરાતમાં મોડુ થયુ છે અને વધારવામાં આવેલુ ડીએ જાન્યુઆરીથી લાગુ થવાનુ છે. તો હવે આ કર્મચારીઓને જે પગાર મળશે. તેમાં ઘણો વધારો થશે. જેનુ કારણ છે કર્મચારીઓને હવે જાન્યુઆરી અને ફેબ્રુઆરીની સાથે માર્ચનુ પણ ડીએ એકસાથે મળી જશે. 

અત્યારે આટલું મળે છે મોંઘવારી ભથ્થુ

કેન્દ્ર સરકારના કર્મચારીઓને પણ 31 ટકા DA મળે છે. જો સરકાર 7th Pay Commissionની ભલામણ મુજબ DAમાં ત્રણ ટકાનો વધારો કરે છે તો કેન્દ્રીય કર્મચારીઓને મળતુ મોંઘવારી ભથ્થુ 34 ટકા થઇ જશે. સાતમા પગારપંચની ભલામણ મુજબ સરકાર વર્ષમાં બે વખત (જાન્યુઆરી અને જુલાઈમાં) ડીએ રિવાઈઝ કરે છે. આની પહેલા કેન્દ્ર સરકારે ગયા વર્ષે ઓક્ટોબરમાં કેન્દ્રીય કર્મચારીઓના ડીએ 28 ટકાથી વધારીને 31 ટકા કર્યુ હતુ.