સરકારની બજેટ આવે તે પહેલાંની બેઠકમાં સરકાર સામે મજુર સંગઠનોએ પગાર વધારાની માંગ કરી છે. જો સરકાર આ માંગણીનો સ્વીકાર કરે તો માસિક પગાર 21000 અને પેન્શન વધીને 6000 થઇ જશે. સાથે સાથે સરકારી કર્મચારી પણ પગાર વધારવાની માંગ કરી છે ત્યારે માનવામાં આવી રહ્યું છે કે ન્યુ યર પહેલાં સરકાર મોંઘવારી ભથ્થું વધારવાની જાહેરાત કરી શકે છે.
કર્મચારીઓને મળતું પેન્શન પણ વધીને 6000 થઇ જશે
BSNL અને MTNLને પણ પ્રાઈવેટ ટેલીકોમ કંપનીની જેવી જ તક આપવાની માંગ
કર્મચારી સંગઠનોએ ઈનકમટેક્સ છૂટની સીમા વધારવા પણ માંગ કરી
જો મોદી સરકાર મજુર સંગઠનોની માંગણીનો સ્વીકાર કરે તો કર્મચારીઓનો ન્યુનતમ પગાર 21000 થઇ શકે છે. સાથે જ કર્મચારીઓને મળતું પેન્શન પણ વધીને 6000 થઇ જશે. મજુર સંગઠનો દ્વારા આ માંગણીઓ સરકાર સામે મુકવામાં આવી છે. કર્મચારી સંગઠનોએ ઈનકમટેક્સ છૂટની સીમા વધારવા પણ માંગ કરી છે. જેમાં માંગણી કરવામાં આવી છે કે 10 લાખ સુધી વાર્ષિક આવકને ટેક્સથી મુક્ત કરવામાં આવે. બજેટનાં પૂર્વે સંગઠનોનાં પ્રતિનિધિઓ સાથેની બેઠકમાં નાણામંત્રી સામે આ માંગણીઓ મુકવામાં આવી હતી.
દેશમાં રોજગાર કઈ રીતે વધારવાનાં છે તે માટે સલાહ સુચન આપવામાં આવ્યા
દેશમાં વધી રહેલી બેરોજગારી મુદ્દે પણ આ બેઠકમાં ચર્ચા કરવામાં આવી હતી જે બાદ દેશમાં રોજગાર કઈ રીતે વધારવાનાં છે તે માટે સલાહ સુચન આપવામાં આવ્યા. સંગઠનોન માનવું છે કે કૃષિ ક્ષેત્ર અને સામાજિક ક્ષેત્રમાં રોકાણ વધારવું જોઈએ. સંગઠનોની માંગણી છે કે આ સેક્ટરમાં બજેટમાં વિશેષ ધ્યાન આપવું જોઈએ. નોકરી પર લટકતી તલવાર પર પણ આ બેઠકમાં ચર્ચા કરવામાં આવી. તેમણે કહ્યું કે BSNL અને MTNLને પણ પ્રાઈવેટ ટેલીકોમ કંપનીની જેવી જ તક આપવી જોઈએ.
સરકાર આ માંગણીઓ સ્વીકારે તો સેલેરીમાં આઠ હાજર રૂપિયાનો વધારો થશે
ઉલ્લેખનીય છે કે કેન્દ્ર સરકારનાં પચાસ લાખ કર્મચારી પગારવધારાની માંગણી કરો રહ્યા છે. કર્મચારીઓની માંગ છે કે સરકાર ફીટમેન્ટ ફેક્ટર વધારે અને ન્યુનતમ મૂળ વેતન તરીકે 26000 વેતન આપે. સરકાર આ માંગણીઓ સ્વીકારે તો સેલેરીમાં આઠ હાજર રૂપિયાનો વધારો થશે. વર્તમાન ફીટમેન્ટ ફેક્ટર 2.57 ગણું છે જેને કર્મચારી સરકાર 3.68 કરે તેવી માંગ કરી રહ્યા છે. સરકાર મોંઘવારી ભથ્થામાં વધારો કરે તેવી શક્યતાઓ પણ છે. માનવામાં આવી રહ્યું છે કે સરકાર ન્યુ ઇયર પહેલાં આ ઘોષણા કરી શકે છે.