કેન્દ્ર સરકાર પોતાના કર્મચારીઓને ઘણી સુવિધાઓ આપે છે. જેમાં એક સુવિધા છે હાઉસ બિલ્ડિંગ એડવાન્સ. જે કર્મચારીઓને ઘર બનાવવા માટે આપવામાં આવે છે.
કેન્દ્રીય કર્મચારીઓની વધશે મુશ્કેલી?
સરકારની HBA-2017 સ્કીમ હેઠળ નિયમોનું કરવુ પડશે પાલન
જો બેદરકારી દાખવવામાં આવશે તો કરાશે કડક કાર્યવાહી
નિયમો તોડનારા પર થશે કડક કાર્યવાહી
જો તમે કેન્દ્રીય કર્મચારી છો અને તમે પણ સરકારની આ સુવિધા હેઠળ પૈસા લીધા છે. પરંતુ તેનો ઉપયોગ નિયમો મુજબ ઘર બનાવવામાં થતો નથી તો તમારી મુશ્કેલી વધી શકે છે. મહત્વનું છે કે, સરકારે આદેશ જાહેર કર્યો છે કે જે કર્મચારીઓએ મકાન અને ફ્લેટને બનાવવા અને ખરીદવા માટે HBA સ્કીમ હેઠળ પૈસા ઉપાડ્યા છે. તેમણે House Building Advance Rules (HBA)- 2017ના કાયદા હેઠળ 7bનો કડકાઈપૂર્વક પાલન કરવુ પડશે. જો નિયમોમાં બેદરકારી દાખવવામાં આવશે તો તેની પર કડક કાર્યવાહી કરવામાં આવશે. ડીપાર્ટમેન્ટ ઓફ પોસ્ટમાં ADG ડીકે ત્રિપાઠી મુજબ, HBA લેનારા કર્મચારી આ નિયમોનું પાલન કરી રહ્યાં નથી. કારણકે તેઓને એવુ લાગે છે કે આવુ ના કરીને તેઓ સરળતાથી બચી જશે. પરંતુ અમે દરેક સર્કલમાં નોટીસ મોકલી દીધી છે અને આદેશ જાહેર કર્યો છે કે તેની પર તાત્કાલિક અમલ થવો જોઈએ.
શું હોય છે Rule 7b
આ નિયમ હેઠળ હાઉસ બિલ્ડિંગ એડવાન્સ લેનારા કર્મચારીઓએ પોતાના મકાનનો વીમો કરાવવાનો હોય છે, જેનો ખર્ચ તેમણે જાતે ઉઠાવવો પડશે. જેની એક શરત એવી છે કે વીમાની રકમ HBAની રકમ બરાબર હોવી જોઈએ. ડિપાર્ટમેન્ટ ઓફ પોસ્ટના અધિકારીનું કહેવુ છે કે રૂલ બુક મુજબ ઘરના વીમા ઈન્સ્યોરન્સ રેગ્યુલેટર IRDAI તરફથી માન્ય પ્રાપ્ત વીમા કંપનીઓ પાસેથી લેવો પડશે અને પોલિસીની કોપીને પોતાના ડિપાર્ટમેન્ટમાં જમા કરાવવુ પડશે.
શું હોય છે HBA?
કેન્દ્ર સરકાર પોતાના કર્મચારીઓને House Building Advance આપે છે. જેમાં કર્મચારી પોતે અથવા પોતાની પત્નીના પ્લોટ પર ઘર બનાવવા માટે એડવાન્સ લઈ શકે છે. આ યોજના 1 ઓક્ટોબર 2020થી શરૂ થઈ હતી અને તે હેઠળ 31 માર્ચ 2022 સુધી કેન્દ્ર સરકાર પોતાના કર્મચારીઓને 7.9 ટકા વ્યાજ દર પર હાઉસ બિલ્ડિંગ એડવાન્સ આપે છે.