સાતમું પગાર પંચ- PSUના બેંક કર્મચારીઓને 3 મહિના માટે 27.79% મોંઘવારી ભથ્થું ઉપલબ્ધ થશે.મોંઘવારી ભથ્થામાં થયો છે 2.1%નો વધારો
- સાતમાં પગાર પંચનો આવ્યો નિર્ણય
- PSUના બેંક કર્મચારીઓને મળશે ફાયદો
- મોંઘવારી ભથ્થાંમાં થયો છે વધારો
નવી દિલ્હી: કેન્દ્રીય કર્મચારીઓ બાદ હવે કેન્દ્ર સરકારે જાહેર ક્ષેત્રની બેંકોના 8 લાખ કર્મચારીઓનાં મોંઘવારી ભથ્થામાં વધારો કર્યો છે. સરકાર દ્વારા સરકારી બેંકોના મોંઘવારી ભથ્થાંમાં 2.10 ટકાનો વધારો જાહેર કર્યો છે.
3 મહિના માટે કર્મચારીઓના DA વધ્યા
PSUના કર્મચારીઓના DA એટલે કે મોંઘવારી ભથ્થાંમાં 3 મહિનાઓ માટે વધારો કરાવામાં આવ્યો છે. જેમાં ઑગસ્ટ, સપ્ટેમ્બર અને ઓક્ટોબર 2021નો સમાવેશ થાય છે. આ નિર્ણય ઓલ ઇન્ડિયા એવરેજ કન્ઝ્યુમર પ્રાઇસ ઇનડેક્સ ( AISPI )નાં આંકડા દ્વારા લેવાયો છે. ગણતરી અનુસાર મોંઘવારી ભથ્થાની ટકાવારી = છેલ્લા 3 મહિનાની ગ્રાહક ભાવ સૂચકાંકનો સરેરાશ (બેઝ યર 2001 = 100) - 126.33 ) X100
ઇન્ડિયન બેંક્સ એસોસિયેશન મુજબ મે, જૂન, જૂલાઇનો 2021નો DA 367 સ્લેબ હતો જેમાં ઑગસ્ટથી ત્રણ મહિના માટે 20 સ્લેબનો વધારો કરવામાં આવ્યો છે. જેના આધારે હવે ઑગસ્ટ 2021ના પગારમાં PSU કર્મચારીઓને મોંઘવારી ભથ્થામાં 2.10ના વધારા સાથે કુલ 27.79 % મળશે.
કેટેગરીના પગાર અનુસાર મળશે લાભ
મોંઘવારી ભથ્થાંમાં થયેલ વધારાનો લાભ બેંકની દરેક કેટેગરીના પગાર અનુસાર થશે. ઉદાહરણ તરીકે POનો પગાર 40-42 હજાર પ્રતિ માસનો હોય છે. બેઝિક 27,620 રૂપિયા હોય પણ DA 2.10%ના વધારો થયો છે. પીઓ માટે સર્વિસ હિસ્ટ્રીના નિયમ અનુસાર સમગ્ર સેવા દરમિયાન કર્મચારીઓને કુલ 4 ઇન્ક્રીમેન્ટ આપવામાં આવે છે જેના બાદ મહત્તમ બેઝિક પગાર 42020 રૂપિયા છે.
કેન્દ્રીય કર્મચારીઓના મોંઘવારી ભથ્થામાં વધારો 1 જૂલાઇથી અમલ કરવામાં આવ્યો છે. તેથી તેમને 17 % ના બદલે 28 % DA મળી રહ્યું છે. આશરે 1 કરોડથી વધુ કેન્દ્રીય કર્મચારી અને પેન્શનર્સને હવે 3%ના વધારાની રાહ જોઇ રહ્યા છે જેના લીધે તેમનું મોંઘવારી ભથ્થું 28 % થી વધીને 31% થઇ શકે.