મોટી ખુશખબર / કેન્દ્રીય કર્મચારીઓ માટે ડબલ ગૂડ ન્યૂઝ, જાણો ક્યારે મળશે DA અને એરિયરમાં વધારો

• 1.2 કરોડ કેન્દ્રીય કર્મચારીઓ અને પેન્શનર્સ માટે સૌથી સારા સમાચાર
• કેન્દ્રીય કર્મચારીઓ અને પેન્શનર્સ સપ્ટેમ્બરમાં મળશે ડીએ
• નેશનલ કાઉન્સિલે એક લેટર જારી કર્યો
• જેસીએમ સચિવ શિવ ગોપાલ મિશ્રાની ઓફિસે લેટર બહાર પાડ્યો
• લેટરમાં સપ્ટેમ્બરમાં ડીએ ચુકવવા સરકારે તૈયારી દર્શાવી

DA વધારાનો લેટર બહાર પડાયો
જોકે કેન્દ્ર કર્મચારીઓ તથા પેન્શનર્સને ડીએ અને ડીઆરમાં વધારાના પૈસા જુલાઈના પગારમાં નહીં મળે. તેમણે સપ્ટેમ્બર સુધી રાહ જોવી પડશે. નેશનલ કાઉન્સિલ પણ આ અંગે એક લેટર જારી કર્યો છે. આ લેટર જેસીએમ સચિવ શિવ ગોપાલ મિશ્રાની ઓફિસ વતી બહાર પડાયો છે.

DA બહાલી પરનો પ્રતિબંધ ઉઠાવાયો
આ લેટરમાં જણાવ્યા પ્રમાણે, કેબિનેટ સચિવની સાથે 26 જુન 2021 ના રોજ થયેલી બેઠક ઘણી સકારાત્મક રહી છે. બેઠક દરમિયાન કેન્દ્ર સરકારના કર્મચારીઓના હિતમાં ઘણા નિર્ણય લેવાયા છે. 

મોંઘવારી ભથ્થા અંગે સૌથી મોટો નિર્ણય લેવાયો છે. ડીએ પરનો નિર્ણય છેલ્લા 18 મહિનાથી પેન્ડીંગ હતો. સરકાર જુલાઈથી ડીએ બહાલ કરશે, જોકે છેલ્લા ત્રણ હપ્તાઓની ચુકવણી જુલાઈમાં થવાની સંભાવના નથી. સચિવ મિશ્રાએ જણાવ્યું કે કેબિનેટ સચિવે કેન્દ્ર સરકારના પેન્શન ભોગીઓએ માટે ડીએ અને મોંઘવારી રાહત પર સસ્પેંશન હટાવવાની તૈયારી દર્શાવી છે. 

ત્રણ હપ્તાની ચુકવણી સપ્ટેમ્બરના પગારમાં થશે 
કેન્દ્ર સરકારના કર્મચારીઓ અને પેન્શનભોગીઓને જાન્યુઆરી 2020, જુન 2020 તથા જાન્યુઆરી 2021 ના છેલ્લા ત્રણ હપ્તા એકીસાથે મળવાની સંભાવના છે. ત્રણેય હપ્તા સપ્ટેમ્બરમાં આવવાની ધારણા છે. આ દરમિયાન જુન 2021 માટે મોંઘવારી ભથ્થું, જે અંગેના ડેટા જુલાઈ 2021 માં જારી કરવામાં આવશે ,તેને પણ સામેલ કરવામાં આવશે જે કુલ ચુકવણી કરવામાં આવશે તેમાં જુન 2021 ના ડીએની સાથે ડીએના પાછળના ત્રણ હપ્તા પણ સામેલ હશે. સરકાર સપ્ટેમ્બરના પગારની સાથે જુલાઈ અને ઓગસ્ટ 2021 નું એરિયર પણ ચુકવશે.

હવે 28 ટકાથી દર મળશે DA
હાલમાં કેન્દ્ર સરકારના કર્મચારીઓને 17 ટકાથી દરથી મોંઘવારી ભથ્થું મળી રહ્યું છે. ત્રણ હપ્તા સામેલ થયા બાદ મોંઘવારી ભથ્થું 28 ટકા થઈ જશે. જાન્યુઆરી 2020 માં ડીએમાં 4 ટકા અને જુન 2020 માં 3 ટકાનો વધારો કરાયો હતો. જાન્યુઆરી 2021 માં તેમાં 4 ટકાનો વધારો કરાયો હતો. હવે ત્રણ હપ્તાની ચુકવણી થવાની છે એટલે કે કુલ 11 ટકાનો વધારો ડીએમાં થઈ જશે.