કરોડો કેન્દ્રીય કર્મચારીઓ અને પેન્શન ધારકોને વધેલુ મોંઘવારી ભથ્થુ અને મોંઘવારી રાહત મળ્યાં બાદ હવે વધુ એક સારા સમાચાર સામે આવ્યાં છે. અત્યાર સુધી જે પણ કર્મચારી કોરોના મહામારીના કારણે ચિલ્ડ્રન એજ્યુકેશન એલાઉન્સને ક્લેમ નહોતા કરી શકતા તેઓ હવે આ ક્લેમ કરી શકે છે.
કેન્દ્રીય કર્મચારીઓ અને પેન્શન ધારકો માટે વધુ એક સારા સમાચાર
કેન્દ્રીય કર્મચારીઓ ચિલ્ડ્રન એજ્યુકેશન એલાઉન્સને ક્લેમ કરી શકશે
કોરોના મહામારીને કારણે તેઓ ક્લેમ કરી શકતા નહોતા
કોરોના મહામારીને કારણે કર્મચારીઓ ક્લેમ કરી શક્યા નથી
આ કરવા માટે તમારે કોઈ સત્તાવાર પુરાવાની જરૂર પડશે નહીં. કેન્દ્રીય કર્મચારીઓને તેના બાળકોના અભ્યાસ માટે પણ ભથ્થુ મળે છે, જે 7મા પગારપંચના ભલામણો મુજબ દર મહિને 2250 રૂપિયા હોય છે. પરંતુ ગયા વર્ષથી જ કોરોના મહામારીના કારણે શાળા બંધ પડી છે. જેને પગલે CEAને કેન્દ્રીય કર્મચારીઓ ક્લેમ કરી શક્યા નથી.
સેલ્ફ ડેકલેરેશન આપવુ પડશે
જુલાઈમાં ડીપાર્ટમેન્ટ ઓફ પર્સનલ એન્ડ ટ્રેનિંગે એક ઓફિસ ઑફ મેમોરેન્ડમ જાહેર કર્યુ હતુ. જેમાં કહેવામાં આવ્યું હતુ કે કોરોનાને પગલે કેન્દ્રીય કર્મચારીઓને ચિલ્ડ્રન એજ્યુકેશન એલાઉન્સ ક્લેમ કરવામાં મુશ્કેલી આવે છે. કારણકે ઑનલાઈન ફી જમા કરાવ્યાં બાદ પણ સ્કૂલમાંથી SMS/e-mail દ્વારા પરિણામ- રિપોર્ટ કાર્ડસ નહોતા મોકલ્યા. DoPTએ કહ્યું છે કે CEA ક્લેમને Self declaration અથવા રિઝલ્ટ-રિપોર્ટ કાર્ડ-ફી પેમેન્ટના SMS/e-mailના પ્રિન્ટ આઉટ દ્વારા પણ ક્લેમ કરી શકાય છે. જોકે, આ સુવિધા ફક્ત માર્ચ 2020 અને માર્ચ 2021માં સમાપ્ત થનારા શૈક્ષણિક કાર્ય માટે હશે.
કેટલુ ભથ્થુ મળે છે?
કેન્દ્રીય કર્મચારીઓને બે બાળકોના અભ્યાસ માટે Children Education Allowance મળે છે, બાળક દીઠ આ ભથ્થુ દર મહિને 2250 રૂપિયા છે. એટલેકે બે બાળકો માટે કર્મચારીઓને 4500 રૂપિયા મહિને મળે છે. જોકે, બીજુ બાળક જુડવા છે તો પ્રથમ બાળકની સાથે જુડવા બાળકોના અભ્યાસ માટે પણ આ ભથ્થુ આપવામાં આવે છે.