સુવિધા / મોદી સરકારે પેન્શનરોને આપી મોટી રાહત, હવે આ કામ માટે બેંકના ધક્કા નહીં ખાવા પડે, WhatsApp પર જ થઈ જશે

• પેન્શન ધારકો માટે મહત્વના સમાચાર
• વોટ્સએપ પર જાણી શકાશે કે તમારા ખાતામાં કેટલાક પૈસા આવ્યા છે
• મોદી સરકારે પેન્શન ધારકોને આપી મોટી રાહત

કેન્દ્ર સરકારના પર્સનલ ડિપાર્ટમેન્ટ (Ministry of Personnel, Public Grievances and Pensions)એ પેન્શન જારી કરતી બેંકો પેન્શનરોની પેન્શન સ્લિપ તેમના મોબાઇલ નંબર પર એસએમએસ અને ઇમેલ દ્વારા મોકલી શકે છે. 

WhatsApp પર મળશે જાણકારી

આ સાથે જ વોટ્સએપ દ્વારા પણ પેન્શન સ્કિપ મોકલી શકાય છે. કેન્દ્ર સરકારે કહ્યું કે બેંકોએ આ માટે પેન્શનરોના રજિસ્ટર્ડ મોબાઇલ નંબરનો ઉપયોગ કરવો. કેન્દ્ર સરકારના આ નિર્ણયથી 62 લાખ કેન્દ્રીય પેન્શનરોને રાહત મળશે. પેન્શન આપતી બેંકોના સેન્ટ્રલાઇઝ્ડ પેન્શન પ્રોસેસિંગ સેન્ટર્સ (સીપીપીસી) સાથેની બેઠકમાં પર્સનલ ડિપાર્ટમેન્ટે આ આદેશ જારી કર્યો છે. કેન્દ્ર સરકારે ભારપૂર્વક કહ્યું કે બેંકોએ આ સેવાને કલ્યાણકારી પ્રવૃત્તિ તરીકે ધ્યાનમાં લેવી જોઈએ, કારણ કે તે ખૂબ જ મહત્વપૂર્ણ છે.

Ease of Living હેઠળ સર્વિસ

તમને જણાવી દઈએ કે, પેન્શન પે સ્લિપની જરૂર ઈન્કમ ટેક્સ રિટર્ન ફાઈલ કરવાની સાથે મોંઘવારી ભથ્થું, મોંઘવારી રાહત અને ડીએ અને ડીઆર એરિયરથી જોડાયેલા કામોમાં પડે છે. કેન્દ્ર સરકારે પેન્શનર્સને ઈઝ ઓફ લિવિંગ હેઠળ આ સર્વિસ આપવાની વાત કહી છે. 

મંથલી પેન્શનની સમગ્ર ડિટેલ્સ

સરકારે બેંકોને કહ્યું છે કે તેઓ આ કામમાં વ્હોટ્સએપ જેવા સોશ્યલ મીડિયા ટૂલ્સની પણ મદદ લઈ શકે છે. સરકારના આદેશ અનુસાર, પેન્શન સ્લિપમાં માસિક પેન્શનની સંપૂર્ણ વિગતો હોવી જોઈએ. જો કોઈ ટેક્સ કાપવામાં આવી રહ્યો છે, તો તે પણ સ્લિપમાં આપવો જોઈએ. સાથે જ પેન્શન ખાતામાં કેટલી રકમ મોકલવામાં આવી, તે પણ મોકલવામાં આવશે.