ફાયદાની વાત / DA હાઈક બાદ કેન્દ્રીય કર્મચારીઓ માટે વધુ એક ખુશખબરી, મોદી સરકારે આપી મોટી ભેટ 

• કેન્દ્રીય કર્મચારીઓ માટે ખુશખબર 
• હાઉસ બિલ્ડિંગ એડવાન્સ સ્કીમને પણ માર્ચ 2022 સુધી વધારી દીધી
• માર્ચ 2022 સુધી સસ્તા ભાવે હોમ લોનની સુવિધા મળશે

કેન્દ્રીય કર્મચારીઓ માટે ફરી એક ખુશખબર છે. હકીકતે સરકારે જુલાઈ 2021 માટે મોંઘવારી ભથ્થુ (DA), મોંઘવારી રાહત (DR)ની સાથે જ હાઉસ રેન્ટ અલાઉન્સ (HRA)માં પણ વધારો કરી દેવામાં આવ્યો છે. ત્યાર બાદ હવે સરકારે કેન્દ્રીય કર્મચારીઓ માટે હાઉસ બિલ્ડિંગ એડવાન્સ સ્કીમને પણ માર્ચ 2022 સુધી વધારી દીધી છે. એટલે કે જો કોઈ સરકારી કર્મચારી પોતાનું ઘર ખરીદવા માંગે છે તો તેને માર્ચ 2022 સુધી સસ્તા ભાવે હોમ લોનની સુવિધા મળશે. એટલે કે જો કોઈ સરકારી કર્મચારી પોતાનું ઘર ખરીદવા માંગે છે તો તેને માર્ચ 2022 સુધી સસ્તી હોમ લોનની સુવિધા મળશે. 

સસ્તા વ્યાજદર પર મળશે હોમ લોન 
કેન્દ્રની હાઉસ બિલ્ડિંગ એડવાન્સ સ્કીમ હેઠળ મળતા લાભોને 31 માર્ચ 2022 સુધી વધારવામાં આવ્યા છે. જે હેઠળ સરકાર કેન્દ્રીય કર્મચારીઓને 7.9 ટકાના દરે હોમ લોન ઉપલબ્ધ કરાવી રહી છે. કેન્દ્રની એચબીએ પર રાહત આપ્યા પહેલા કર્મચારીઓ અને પેન્શનર્સને ડીએ ડીઆરમાં મોટી રાહત આપવામાં આવી છે. 

શું હોય છે HBA? 
કેન્દ્ર સરકારે પોતાના કર્મચારીઓને House Building Advance  આપ્યું છે. તેમાં કર્મચારીઓ પોતે અથવા પોતાની પત્નીના પ્લોટ પર ઘર બનાવવા માટે એડવાન્સ લઈ શકે છે. આ યોજના 1 ઓક્ટોબર 2020થી શરૂ થઈ હતી અને જે હેઠળ 31 માર્ચ 2022 સુધી કેન્દ્ર સરકાર પોતાના કર્મચારીઓને 7.9 ટકા વ્યાજદર પર બિલ્ડિંગ એડવાન્સ આપે છે.