કેન્દ્રીય કર્મચારીઓના 18 મહિનાથી પેન્ડીંગ ડીએ એરિયરના મુદ્દે કેન્દ્ર સરકારે ચાલુ મહિનામાં બેઠક કરે તેવી સંભાવના છે.
ચાલુ મહિનામાં કેન્દ્ર સરકારે ડીએ એરિયર મુદ્દે કરી શકે બેઠક
બેઠકમાં 18 મહિનાના પેન્ડીંગ ડીએ એરિયર અંગે નિર્ણય લેવાઈ શકે
જો નિર્ણય લેવાય તો કર્મચારીઓને 2 લાખ સુધીની રકમ મળી શકે
કેન્દ્રીય કર્મચારીઓ માટે રાહતના સમાચાર આવી શકે છે. મોંઘવારી ભથ્થામાં વધારાથી કર્મચારીઓ ખુશ છે પરંતુ તેમ છતાં દરેક મોરચે નિરાશા છે. કર્મચારીઓની 18 મહિનાની બાકી રકમની અપેક્ષાઓ હજુ પૂરી થવાની બાકી છે. પરંતુ આશા છે કે આ મહિને આ મુદ્દે ચર્ચા થઈ શકે છે. આવો જાણીએ 18 મહિનાના ડીએ એરિયર્સ પર મંજૂરી મળશે ત્યારે કર્મચારીઓના ખાતામાં કેટલા પૈસા આવશે. જો કેન્દ્ર સરકારે 18 મહિનાથી પેન્ડીંગ ડીએ એરિયર આપવાનો નિર્ણય કરે કર્મચારીઓના ખાતામાં 2 લાખ સુધીની રકમ આવી શકે. ચાલુ મહિનામાં આ મુદ્દે બેઠક થવાની ધારણા છે.
કેન્દ્રીય કર્મચારીઓ માટે સારા સમાચાર
ઉલ્લેખનીય છે કે સાતમા પગાર પંચ હેઠળ કેન્દ્ર સરકારે કેન્દ્રીય કર્મચારીઓને 31 ટકા ડીએ ઉપરાંત અનેક મોટા લાભો આપ્યા છે. પરંતુ ડીએ એરિયર્સ કેસ 18 મહિનાથી પેન્ડીંગ છે. નેશનલ કાઉન્સિલ ઓફ જોઇન્ટ કન્સલ્ટેટિવ મશીનરી (જેસીએમ)ના સેક્રેટરી (સ્ટાફ સાઇડ) શિવ ગોપાલ મિશ્રાના જણાવ્યા અનુસાર કાઉન્સિલે સરકાર સમક્ષ માંગ કરી છે કે ડીએબાકી બાકી રકમ પણ ડીએ પુનઃસ્થાપિત કરતી વખતે 18 મહિના માટે એક વખત સેટલ થવી જોઈએ.નેશનલ કાઉન્સિલ ઓફ જેસીએમના શિવ ગોપાલ મિશ્રાના જણાવ્યા અનુસાર લેવલ-1 ના કર્મચારીઓની ડીએ એરિયર્સ 11,880 રૂપિયાથી 37,554 રૂપિયા સુધીની છે. બીજી તરફ લેવલ-13 (સાતમા સીપીસી બેઝિક પે સ્કેલ રૂ.1,23,100થી રૂ.2,15,900) અથવા લેવલ-14 (પે-સ્કેલ) માટે ગણતરી કરવામાં આવશે, જ્યારે કર્મચારીને ડીએ એરિયર્સ માટે રૂ.1,44,200થી રૂ.2,18,200 ચૂકવવામાં આવશે.વાસ્તવમાં લેવલ 1ના કર્મચારીઓનું મોંઘવારી ભથ્થું 11,880 રૂપિયાથી 37,554 રૂપિયા સુધીનું છે. લેવલ 13 કર્મચારીઓનો મૂળ પગાર રૂ.1,23,100થી રૂ.2,15,900 સુધીનો છે. બીજી તરફ, 1,44,200 થી 2,18,200 રૂપિયા તેમના ખાતામાં મોંઘવારી ભથ્થાની બાકી રકમ તરીકે લેવલ 14 કર્મચારીઓને જમા કરી શકાય છે.
એરિયરનો નિર્ણય પ્રધાનમંત્રી મોદી કરશે
ઉલ્લેખનીય છે કે 18 મહિનાનો એરિયર્સ કેસ પ્રધાનમંત્રી મોદી સુધી પહોંચી ગયો છે, હવે પીએમ મોદી બાકી રકમ અંગે નિર્ણય લેશે. આનાથી ફરી એકવાર કેન્દ્રીય કર્મચારીઓની બાકી રકમ વિશેની અપેક્ષાઓ વધી છે. જો પીએમ મોદી 18 મહિનાના એરિયર્સને લીલી ઝંડી આપે છે તો તમને જણાવી દઈએ કે લગભગ 1 કરોડ કેન્દ્રીય કર્મચારીઓ અને પેન્શનરોના ખાતામાં 2 લાખની રકમ આવશે. હાલ કેન્દ્રીય કર્મચારીઓનું મોંઘવારી ભથ્થું વધીને 31 ટકા થઈ ગયું છે. જેનાથી કેન્દ્ર સરકારના ૪૮ લાખ કર્મચારીઓ અને ૬૫ લાખથી વધુ પેન્શનરોને ફાયદો થઈ રહ્યો છે.