કેન્દ્ર સરકારે તેના કર્મચારીઓ અને પેન્શનર્સને મોટી રાહત આપવા ઘણી મહત્વના નિર્ણયો લીધા હોવાનું સૂત્રોએ જણાવ્યું છે. નિર્ણયોની જાહેરાત હજુ બાકી છે.
ટોચના સૂત્રોનો દાવો- સરકારે કર્મચારીઓ માટે જાહેરાત કરી
ડીએ, ડીએ રાહત સહિત 6 મોટા લાભ મળશે
બેઠકમાં નિર્ણય લેવાયો પણ જાહેરાત હજુ બાકી
કેન્દ્ર સરકારના આ નિર્ણયથી 52 લાખ કેન્દ્રીય કર્મચારીઓ તથા 60 લાખ પેન્શનર્સને ફાયદો થશે. સૂત્રોના જણાવ્યાનુસાર નાણા મંત્રાલયના અધિકારીઓ, નેશનલ કાઉન્સિલ ઓફ જોઈન્ટ કન્સલ્ટીવ મશીનરી તથા કાર્મિક અને પ્રશિક્ષણ મંત્રાલયના અધિકારીઓની બેઠકમાં 6 મોટા મુદ્દે ચર્ચા થઈ હોવાની સંભાવના છે.
કેન્દ્રીય કર્મચારીઓને મળી શકે આ 6 મોટા લાભ
1.DA અને DA એરિયર
લાંબા સમયથી રાહ જોયા બાદ લાખો કેંદ્રીય કર્મચારીઓ અને પેંશનર્સ માટે મોંઘવારી ભથ્થું (DA) અને મોંઘવારી રાહત (DR) ની સરકારની મંજૂરી મળી ગઇ છે. પરંતુ આ લાભ માટે કેંદ્રીય કર્મચારીઓ અને પેંશનર્સ ને બે મહિનાની રાહ જોવી પડશે. કેંદ્ર્રીય કર્મચારીઓને સપ્ટેમ્બરના પગારમાં મોટો વધારો મળી શકે છે.
2. પ્રવાસ ભથ્થું (TA)
કેંદ્ર સરકારે પોતાના નિવૃત કર્મચારીઓ માટે પણ ઘણી જાહેરાતો કરી છે. નિવૃત થયેલા કર્મચારીઓને હવે 180 દિવસ સુધી પોતાના ટીએ (TA) નું વિવરણ આપવું પડશે. ઉલ્લેખનીય છે કે પહેલાં આ સીમા 60 દિવસની પરંતુ હવે તેને વધારીને 180 દિવસ કરાઈ છે.
3. હાઉસ બિલ્ડિંગ એડવાન્સ (HBA)
કેંદ્ર સરકારે હાઉસ બિલ્ડિંગ એડવાન્સ એટલે કે એચબીએ (HBA) ને લઇને નવી ગાઇડલાઇન જાહેર કરી છે. જુલાઇ 2020માં કેંદ્ર સરકારે એચબીએના વ્યાજદરને 7.9 ટકા કરી દીધો હતો. આ દર 31 માર્ચ 2020 સુધી લાગૂ રહેશે. જોતમે પણ પોતાનું ઘર બનાવવા માંગો છો તો કેંદ્ર સરકારના કર્મચારી 31 માર્ચ 2022 સુધી હાઉસ બિલ્ડિંગ એડવાન્સ (HBA) લઇ શકે છે.
4. ઇમેલ, વોટ્સએપ અને એસએમએસ પર મળશે પેંશન સ્લિપ
કેંદ્ર સરકારના પેંશનધારક કર્મચારીઓને હવે પેંશન સ્લિપ માટે બેંકોના ચક્કર લગાવવા નહી પડે. કેંદ્ર સરકારે પેંશન ઇશ્યૂ કરનાર બેંકોને નિર્દેશ આપ્યો છે કે તે પેંશનરોની પેંશન સ્લિપ તેમના ઇમેલ, વોટ્સએપ અને એસએમએસ દ્વારા મોકલી શકે છે. તમને જણાવી દઇએ કે આ નિયમ 1 જુલાઇથી લાગૂ થઇ શકે છે.
5. મૃત્યું પ્રમાણ પત્ર મળતાં જ પેંશનની સુવિધા શરૂ થઇ જશે.
સરકારે પારિવારિક પેંશનના નવા નિયમો અનુસાર હવે મૃત્યું પ્રમાણ પત્ર મળતાં જ પેંશનની સુવિધા શરૂ થઇ જશે. પછી ઔપચારિકતા પછી પણ પુરી કરી શકાશે. આ પ્રકારે પરિવારને આર્થિક રીતે મદદ મળશે.
6. CEA ક્લેમના નિયમોમાં હળવા કરાયા
કર્મચારી અને તાલીમ વિભાગ (DOPT) એ કેંદ્ર સરકારના કર્મચારીઓને મોટી રાહત આપી છે. તેના હેઠળ બાળ શિક્ષણ ભથ્થું (CEA Claim Rule) ક્લેમ કરવાના નિયમોમાં ઢીલ આપવામાં આવી છે. સીઇએ ક્લેમ માટે સંબંધિત કર્મચારીઓને સ્વ પ્રમાણપત્ર તથા નિર્ધારિત રીતો ઉપરાંત પરિણામ/રિપોર્ટ કાર્ડ/શુલ્ક ચૂકવણીને ઇમેલ/એસએમએસની પ્રિંટઆઉટ દ્વારા પણ કરી શકાશે.