ચોરી / લો બોલો! અમદાવાદ વોડાફોન હાઉસમાંથી CCTV હોવા છતાં 76 લેપટોપ છૂમંતર

• બિલ્ડિંગ-બીમાં હાલ ૭૦ થી ૭પ જેટલા કર્મચારી ફરજ બજાવે છે
• ૭૬ લેપટોપની કિંમત ૧૯ લાખની ચોરીની ફરિયાદ નોંધી છે
• એક સાથે ૭૬ લેપટોપની ચોરી થઇ

પ્રહલાદનગર ગાર્ડન નજીક આવેલા વોડાફોન હાઉસમાં મોટી ચોરી થઈ હોવાની ઘટના સામે આવી છે. સીસીટીવીથી સજ્જ અને સિક્યોરિટી હોવા છતાંય આઠ માસની અંદર ૧૯ લાખનાં ૭૬ જેટલાં લેપટોપ ચોરી થઈ ગયાં. અહીં કામ કરતા કર્મચારીઓ માટે ૧૦૭૪ લેપટોપ લાવવામાં આવ્યાં હતાં અને વર્ષ પૂર્ણ થતાં સ્ટોકની ગણતરીમાં જાણ થઈ કે તેમાંથી ૭૬ લેપટોપ ચોરી થઈ ગયાં છે, જેથી અહીંના ડેપ્યુટી જનરલ મેનેજરે ફરિયાદ નોંધાવતાં પોલીસે તપાસ શરૂ કરી છે.

બિલ્ડિંગ-બીમાં હાલ ૭૦ થી ૭પ જેટલા કર્મચારી ફરજ બજાવે છે

મૂળ રાજસ્થાનના અને હાલ વેજલપુરમાં આવેલ બકેરી સિટીમાં રહેતા પ્રશાંતભાઈ દિગવાલે સરખેજ પોલીસ સ્ટેશનમાં ૧૯ લાખની ચોરીની ફરિયાદ કરી છે. ફરિયાદમાં કરાયેલા આક્ષેપ પ્રમાણે વોડાફોન હાઉસના બિલ્ડિંગ-બીમાં છેલ્લાં બે વર્ષથી ડેપ્યુટી જનરલ મેનેજર તરીકે ફરજ બજાવે છે અને તેઓ આ કંપનીમાં ૧પ વર્ષથી નોકરી કરે છે. બિલ્ડિંગ-બીમાં હાલ ૭૦ થી ૭પ જેટલા કર્મચારી ફરજ બજાવે છે, જેમાં કામ કરતા તમામ લોકોને લેપટોપ ઇશ્યૂ કરવામાં આવ્યાં છે, જેના પર તેમણે કામ કરવાનું હોય છે. 

૭૬ લેપટોપની કિંમત ૧૯ લાખની ચોરીની ફરિયાદ નોંધી છે

કંપનીએ માર્ચ-ર૦ર૦થી ઓકટોબર-ર૦ર૦ સુધીમાં કુલ ૧૦૭૪ લેપટોપ કર્મચારી માટે નવાં ખરીદયાં હતાં. જેમ જરૂર પડે તેમ કર્મચારીઓને લેપટોપ આપવામા આવતાં હતાં. વર્ષ ર૦ર૦ પૂર્ણ થવાને હવે ગણતરીના દિવસ બાકી રહ્યા છે ત્યારે કંપનીમાં લેપટોપના સ્ટોકની ગણતરી ચાલતી હતી. ગણતરી દરમિયાન ૭૬ લેપટોપ ઓછાં જણાતાં મેનેજરે કર્મચારીઓને પૂછ્યું હતું, જોકે કોઇ માહિતી ન મળતાં પ્રશાત દિગવાલે ચોરીની ફરિયાદ કરી હતી. સરખેજ પોલીસે એક લેપટોપની કિંમત રપ હજાર ગણીને કુલ ૭૬ લેપટોપની કિંમત ૧૯ લાખની ચોરીની ફરિયાદ નોંધી છે અને તપાસનો ધમધમાટ શરૂ કર્યો છે. 

એક સાથે ૭૬ લેપટોપની ચોરી થઇ

વોડાફોન હાઉસ હાઇ સિક્યો‌િરટી તેમજ સીસીટીવી કેમેરાથી સજ્જ છે. કોઇ પણ કર્મચારી નોકરી કરવા માટે જ્યારે વોડાફોન હાઉસમાં આવે ત્યારે તેનું પૂરું ચેકિંગ કરવામાં આવે છે અને ત્યારબાદ તેને નોકરીમાં જવા દેવામાં આવે છે. આ સિવાય વોડાફોન હાઉસની કોઇ પણ ચીજવસ્તુને બહાર લઇ જવાની પણ મનાઇ હોય છે. આટલી ‌િસક્યો‌િરટી હોવા છતાંય આઠ મહિનામાં એક સાથે ૭૬ લેપટોપની ચોરી થઇ છે. 

કોઇ કર્મચારીએ ચોરી કરી હોવાની શંકા

૭૬ લેપટોપની ચોરી થતાં પોલીસે તપાસનો ધમધમાટ શરૂ કરી દીધો છે, જેમાં પોલીસને શંકા છે કે કોઇ કર્મચારીએ ધીમે ધીમે લેપટોપની ચોરી કરી હોઇ શકે છે. વોડાફોન હાઉસમાં બહારની કોઇ પણ વ્યકિતને એન્ટ્રી આપવામાં આવતી નથી ત્યારે વોડાફોન હાઉસમાં કામ કરતા કોઇ પણ કર્મચારીએ સીસીટીવી તેમજ ‌િસક્યો‌િરટીથી બચીને ચોરીની ઘટનાને અંજામ આપ્યો છે.