75 વર્ષીય યોગેશ કાકા માંજલપુરથી ચૂંટણી મેદાને ઉતર્યા છે તેમણે કહ્યું કે, બાયડનને જુઓ 80 વર્ષે અમેરિકા દેશ સંભાળે છે અને ચૂંટણીમાં ઉંમરની કોઈ પણ બાબત મને નડવાની નથી
75 વર્ષીય યોગેશ કાકા માંજલપુરથી ચૂંટણી મેદાને
બાયડનને જુઓ 80 વર્ષે અમેરિકા સંભાળે છે:યોગેશ પટેલ
ચૂંટણીમાં ઉંમરની કોઈ પણ બાબત મને નડવાની નથી: યોગેશ પટેલ
ગુજરાત વિધાનસભાની ચૂંટણીના પ્રથમ તબક્કાના મતદાનને આડે હવે ગણતરીના દિવસો બાકી રહ્યાં છે. હાલ રાજ્યમાં બરાબરનો ચૂંટણીનો માહોલ જામ્યો છે અને તમામ રાજકીય પક્ષો મતદારોને આકર્ષવા માટે તનતોડ મહેનત કરી રહ્યા છે. ભાજપ, કોંગ્રેસ અને આમ આદમી પાર્ટી દ્વારા પ્રચંડ પ્રચાર પણ કરવામાં આવી રહ્યો છે. ભાજપ આ વખતે સત્તા વાપસી માટે તનતોડ મહેનત પણ કરી રહી છે અને એક એક ઉમેદવારને ટકોરી ટકોરીને ટિકિટ આપી છે અને જેમાં પાર્ટીના કેટલા નિયમો તૂટે પરંતુ જીતનો નિયમ ન તુટવો જોઈએ તેવો કાર્ય કરી રહ્યા છે. વડોદરાની માંજલપુર બેઠક પર ભાજપે 75 વર્ષીય યોગેશ પટેલને ચૂંટણી લડવા મેદાને ઉતાર્યા છે.
75 વર્ષીય યોગેશ કાકા માંજલપુરથી મેદાને
વડોદરાની માંજલપુર બેઠક પર ભાજપના 75 વર્ષીય યોગેશ પટેલ ચૂંટણી લડી રહ્યાં છે. તેનમે પૂછવામાં આવ્યું કે, તમારી ઉંમર 75 વર્ષની છે અને તમે ચૂંટણી રહ્યાં છો, જેના જવાબમાં યોગેશ પટેલે કહ્યું કે, જો બાઈડેન જોઓ 80 વર્ષે પણ અમેરિકા સંભાળે છે. તમને જણાવી દઈએ કે ભાજપે 75 વર્ષે ઉપરના ઉંમરનો નિયમ તોડીને યોગેશ કાકાના હુલામણા નામથી જાણીતા ઉમેદવાર યોગેશે પટેલને આ વખતે ટિકિટ આપી છે. અત્રે ઉલ્લેખનીય છે કે, કાકા વિધાનસભાની ચૂંટણી આઠમી વાર લડી રહ્યાં છે. તમેજ યોગશ કાકાએ જણાવ્યું હતું કે, મારો જુમ અને જુસ્સો મને ફરી જીતાવશે અને આમાં ઉંમરની કોઈ બાબત મને નડવાની નથી.
હું હંમેશા લોકોની વચ્ચે રહ્યો છું: યોગેશ કાકા
ભાજપે પોતાનો નિયમ તોડીને યોગેશ કાકાને ટિકિટ આપી છે. ભાજપના નિયમ પ્રમાણે 75 વર્ષ કે તેથી વધુના ઉમેદવારોને ટિકિટ આપતી નથી પરંતુ ભાજપને 75 વર્ષની ઉંમર ધરાવતા યોગેશ કાકાને મેદાને ઉતારવા પડ્યાં છે. યોગેશ કાકાએ જણાવ્યું કે, હું હંમેશા લોકોની વચ્ચે રહ્યો છું અને હું ધારાસભ્ય ન હતો તો પણ લોકો સાથે હંમેશા જોડાયેલો રહ્યો છું. 32 વર્ષ ધારાસભ્ય રહેલા યોગેશ પટેલે જણાવ્યું કે, મેં હંમેશા લોકો માટે દિલથી કામ કર્યું છે અને આ ચૂંટણીમાં પણ પૂરી ઉમાનદારી સાથે લડી રહ્યો છું.
બાયડનને જુઓ 80 વર્ષે અમેરિકા સંભાળે છે: યોગેશ પટેલ
આમ આદમી પાર્ટી અને કોંગ્રેસના ઉમેદવારો માંજલપુરમાં જીતનો દાવો કરી રહ્યા છે? જેના જવાબ કહ્યું કે, તમે આઠ તારીખે ચૂંટણી પરીણામ જોઈ લેજો, કોંગ્રેસ અને આમ આદમી પાર્ટીના ઉમેદવારોની માંજલપુર બેઠક પર ડિપોજિટ પણ જપ્ત થઈ જશે. યોગેશ કાકા ત્રણ દશક પૂર્વે એટલે કે, પહેલીવાર ચૂંટણી પ્રચાર માટે જે ફોર વ્હીલરનો ઉપયોગ કર્યો હતો તે જ ગાડી લઈને પ્રચાર કરી રહ્યાં છે. તેમજ 75 વર્ષીય યોગેશ પટેલ પોતાને યુવા પણ માની રહ્યાં છે તેમણે જણાવ્યું કે, 20 વર્ષથી વધુના ઉંમરના લોકો પોતાના ઘરે બેસીને સમય બગાડી રહ્યાં છે પરંતું જો બાઈડેનને જોઈ લો તે 80 વર્ષની ઉંમરે પણ સમગ્ર અમેરિકા દેશ સંભાળી રહ્યાં છે તેમણે કહ્યું કે, આ બધી બાબતમાં ઉંમરને કઈ લેવાદેવા નથી.