બિનવારસી / મહેસાણામાં રોડ પાસે કચરામાંથી 700 ચૂંટણીકાર્ડ મળી આવતા તંત્ર દોડતું થયું, મામલતદારે હાથધરી તપાસ

• મહેસાણામાં 700 ચૂંટણીકાર્ડ મળી આવ્યા 
• કચરામાંથી મળ્યા ચૂંટણીકાર્ડ 
• ચૂંટણીકાર્ડ કડી કરણનગર રોડ પાસેથી મળ્યા

મહેસાણામાં    બિનવારસી હાલતમાં  700થી વધુ ચૂંટણીકાર્ડ મળી આવતા ઘટના ટોક ઓફથી ટાઉન બની છે. કડી કરણનગર રોડ પાસેથી મોટી સંખ્યામાં જૂના ચૂંટણીકાર્ડ મળી આવ્યા છે. જે બાદ તંત્રને જાણ પણ કરવામા આવી છે. કચરામાં ફેંકી દીધેલાં 700 ચૂંટણી કાર્ડે અનેક સવાલો ઊભા કર્યા છે. મામલતદારે ચૂંટણીકાર્ડ કબજે કરી આગળની કાર્યવાહી હાથ ધરી છે. જૂના ચૂંટણીકાર્ડનું પંચનામુ કરી વધુ તપાસ શરૂ કરી છે.

બિનવારસી હાલતમાં મળી આવેલા આ ચૂંટણીકાર્ડ ડુપ્લિકેટ છે? કોણ  અહીં મોટી સંખ્યામાં ચૂંટણી કાર્ડ ફેંકી ગયું? અથવા તો જૂના છે તો કેમ તેનો યોગ્ય નિકાલ નથી કરવામાં આવ્યો તેના પરથી પડદો ઉચકવો જરૂરી છે.

ચૂંટણીકાર્ડ અંગેના નીચેના નવા નિયમને પણ જાણી લેજો
પહેલા પાન કાર્ડ સાથે આધાર લિંક કરવું જરૂરી હતું. પરંતુ હવે વોટર આઈડી સાથે પણ આધાર લિંક કરવું જરૂરી બની ગયું છે.એવું માનવામાં આવે છે કે સરકારના આ નિર્ણયથી એક વ્યક્તિ પાસે માત્ર એક જ વોટર આઈડી કાર્ડ હશે અને જેમણે એક કરતા વધુ વોટર આઈડી કાર્ડ રાખ્યા છે તેમની ઓળખ કરીને નકલી કાર્ડને શોધવામાં સરળતા રહેશે. આ નિર્ણય અંગે સરકારે નોટિફિકેશન પણ બહાર પાડ્યું છે. કાયદા મંત્રી કિરેન રિજિજુએ ટ્વિટ કરીને આ જાણકારી આપી છે.

મલ્ટીપલ વોટર આઈડી કાર્ડ થશે બંધ 
કાયદા મંત્રીએ એક ચાર્ટ શેર કર્યો જેમાં લખ્યું છે કે ઈલેક્ટોરલ રોલ (Electoral Roll Data) ડેટાના આધાર ઈકોસિસ્ટમ ( Aadhar Ecosystem)ની સાથે લિંક કરાયા બાદ એક જ વ્યક્તિ દ્વારા વિવિધ સ્થળે મલ્ટીપલ આઈડી કાર્ડ( Multiple Voter ID Card) બનાવવાનું અટકી જશે. કાયદા મંત્રીએ વધુમાં જણાવ્યું કે,મોદી સરકાર દ્વારા ચૂંટણી પ્રક્રિયામાં સુધારો કરવા માટે આ એક ઐતિહાસિક પગલું છે.

30 જૂન પછી ડબલ પેનલ્ટી
1 એપ્રિલ, 2022 થી, PAN ને આધાર સાથે લિંક(Aadhar-PAN Linking) કરવા માટે દંડ ચૂકવવો પડશે. 30 જૂન પછી લિંક કરનારને ડબલ પેનલ્ટી ભરવી પડશે. ઉલ્લેખનીય છે કે 1લી એપ્રિલ 2022 થી, આધારને પાન નંબર સાથે લિંક કરવા માટે 500 રૂપિયાનો દંડ ચૂકવવો પડશે. પરંતુ જો તમે 30 જૂન 2022 સુધીમાં લિંક નહીં કરો તો તમારે 1 જુલાઈથી 1,000 રૂપિયાનો દંડ ભરવો પડશે.