ગુજરાત ચુંટણીને લઇને 70 રાજકીય પક્ષો તથા અપક્ષ મળીને કુલ 1,621 ઉમેદવારો મેદાને હોવાનું સત્તાવાર રીતે જાહેર થવા પામ્યું છે.
ગુજરાત ચૂટંણીમા 1,621 ઉમેદવારોએ નોંધાવી ઉમેદવારી
રાજ્યમાં 1 અને 5મી ડિસેમ્બરે બે તબક્કામાં મતદાન
29 રાજકીય પક્ષોએ બન્ને તબક્કામાં પોતાના ઉમેદવારો ઉભા રાખ્યા
ગુજરાત ચુંટણીને લઇને રાજ્યમા ધમધમાટ ચાલી રહ્યો છે. ત્યારે બન્ને તબક્કાના ચુંટણી કાર્યક્રમને લઇને 70 રાજકીય પક્ષોના તથા અપક્ષ મળીને 1,621 ઉમેદવારો ચૂંટણીમા મેદાને ઉતાર્યા છે. જેમા પ્રથમ તબક્કામાં 718 પુરૂષ અને 30 મહિલાઓ તેમજ બીજા તબક્કામાં 764 પુરૂષ અને 69 મહિલા ઉમેદવારો સામે છે. મહત્વનું છે કે રાજ્યમાં 1 અને 5મી ડિસેમ્બરે બે તબક્કામાં 182 બેઠકો માટે મતદાન યોજાશે.
આટલા ઉમેદવારો વચ્ચે જામશે જંગ
ચુંટણીના પ્રથમ તબક્કામાં 89 બેઠકો માટે 39 રાજકીય પક્ષોના અને અપક્ષ મળીને કુલ 788 ઉમેદવારો ચુંટણી જંગમા ઉતાર્યા છે. જેમાં 70 મહિલાઓ અને 718 પુરૂષ ઉમેદવારોનો સમાવેશ થાય છે. વધુમા પ્રથમ તબક્કામાં 339 અપક્ષ ઉમેદવારો ચૂંટણી લડી રહ્યા છે. એ જ રીતે બીજા તબક્કામાં 93 બેઠકો પર યોજાનાર ચૂંટણીમાં 60 રાજકીય પક્ષો તથા અપક્ષ ઉમેદવારો મળીને કુલ 833 ઉમેદવારો વચ્ચે ચૂંટણી જંગ ખેલાશે. જેમાં 764 પુરૂષ અને 69 મહિલા ઉમેદવારો છે. તો આ બીજા તબક્કામાં 285 અપક્ષોએ ઉમેદવારી નોંધાવી છે.
70 રાજકીય પક્ષોના 1,621 ઉમેદવારો ચૂંટણી લડી રહ્યા છે
29 રાજકીય પક્ષોએ બન્ને તબક્કામાં પોતાના ઉમેદવારો ઉભા રાખ્યા છે, જ્યારે 10 રાજકીય પક્ષોએ માત્ર પ્રથમ તબક્કામાં ચૂંટણીમાં ઉમેદવારી નોંધાવી છે. જ્યારે 31 રાજકીય પક્ષોએ માત્ર બીજા તબક્કામાં ચૂંટણીમાં ઉમેદવારી નોંધાવી છે. આમ બંને તબક્કામાં થઈને કુલ 70 રાજકીય પક્ષો ચૂંટણીમાં છે.