બેંકિંગ / તમારી પાસે SBIનું આ ડેબિટ કાર્ડ હોય તો પૈસા કાઢવામાં આ વાતનું રાખજો ધ્યાન, નહીંતર લાગશે ચાર્જિસ

• એસબીઆઈના ગ્રાહકો ધ્યાન રાખજો
• એટીએમથી પૈસા કાઢવાની આટલી છે લિમિટ
• બેંકો ગ્રાહકો પાસેથી વસૂલે છે કેટલાક પ્રકારની ચાર્જિસ

એસબીઆઈ ગોલ્ડ ઈન્ટરનેશનલ ડેબિટ કાર્ડ

આ કાર્ડથી દેશમાં જ ડેઈલી મિનિમમ 100 રૂપિયા અને મેક્સિમમ 50000 રૂપિયા કાઢી શકાય છે. અન્ય કોઈપણ દેશમાં 50000 રૂપિયા જેટલી કરન્સી ઉપાડી શકાય છે. આ કાર્ડ પર 100 રૂપિયા પ્લસ જીએસટી ઈન્શ્યોરન્સ ચાર્જ છે. વાર્ષિક મેન્ટેનન્સ ચાર્જ 175 રૂપિયા પ્લસ જીએસટી છે.

એસબીઆઈ પ્લેટિનમ ઈન્ટરનેશનલ ડેબિટ કાર્ડ

આ કાર્ડથી દેશમાં જ 100 રૂપિયાથી લઇને મેક્સિમમ 1 લાખ રૂપિયા સુધી કાઢી શકાય છે. આ કાર્ડમાં ઈન્શ્યોરન્સ ચાર્જ 100 રૂપિયા પ્લસ જીએસટી છે. વાર્ષિક મેન્ટેનન્સ ચાર્જ 175 રૂપિયા પ્લસ જીએસટી છે.

એસબીઆઈ મુંબઈ મેટ્રો કોમ્બો કાર્ડ

આ કાર્ડથી દેશમાં જ રોજ 100 રૂપિયાથી લઈને મેક્સિમમ 40000 રૂપિયા સુધી કાઢી શકાય છે. વિદેશમાં આ લિમિટ અલગ-અલગ હોઈ શકે છે. આ કાર્ડમાં ઈન્શ્યોરન્સ ચાર્જ 100 રૂપિયા પ્લસ જીએસટી છે. વાર્ષિક મેન્ટેનન્સ ચાર્જ 175 રૂપિયા પ્લસ જીએસટી છે.

sbiINTOUCH ટેપ એન્ડ ગો ડેબિટ કાર્ડ

આ કાર્ડથી દેશમાં જ રોજ 100 રૂપિયાથી લઈને મેક્સિમમ 40000 રૂપિયા સુધી કાઢી શકાય છે. આ કાર્ડમાં ઈન્શ્યોરન્સ ચાર્જ 100 રૂપિયા પ્લસ જીએસટી છે. વાર્ષિક મેન્ટેનન્સ ચાર્જ 175 રૂપિયા પ્લસ જીએસટી છે.

એસબીઆઈ ગ્લોબલ ઇન્ટરનેશનલ અને એસબીઆઇ માય કાર્ડ ઇન્ટરનેશનલ ડેબિટ કાર્ડ

આ બંને કાર્ડથી દેશમાં દરરોજ 100 રૂપિયાથી લઈ મેક્સિમમ 40000 રૂપિયા કાઢી શકાય છે. આ કાર્ડ્સનો વાર્ષિક મેન્ટેનન્સ ચાર્જ 175 રૂપિયા પ્લસ જીએસટી છે. ગ્લોબલ ઇન્ટરનેશનલ કાર્ડ પર કોઈ ઈન્શ્યોરન્સ ચાર્જ નથી, પરંતુ માય કાર્ડ ઇન્ટરનેશનલ ડેબિટ કાર્ડ પર ઈન્શ્યોરન્સ ચાર્જ 250 રૂપિયા પ્લસ જીએસટી છે.