અફઘાનિસ્તાન / અમેરિકા ગયું કે તરત જ 'અભેદ્ય કિલ્લો' જીતવા પહોંચ્યું તાલિબાન, પણ લાગ્યો એવો ઝટકો કે છક્કા છૂટી ગયા

• તાલિબાનના 7 થી 8 લડાકુઓના થયા મોત 
• પંજશીર ઘાટીમાં ગયા હતા હુમલો કરવા 
• નોર્દર્ન અલાયંસને હાથે માર્યા ગયા 7 થી 8 લડાકું 

અમેરિકા જેવું અફઘાનિસ્તાનથી ગયું કે તાલિબાને તેનો રંગ દેખાડવાનું શરૂ કરી દીધું છે. સોમવારે મોડીરાતે અમેરિકા કાબુલથી તેનું છેલ્લુ વિમાન સાથે રાવાના થઈ ગયું. પરંતુ અમેરિકાએ જેવી વિદાય લીધી કે તાલિબાનોએ પંજશીર પર હુમલો કરી દીધો. 

તાલિબાનના 7-8 લડાકુઓના મોત 

તાલિબાન સામે લડી રહેલા નોર્દર્ન અલાયંસે દાવો કર્યો છે કે સોમંવારની રાતે તાલિબાનના યોદ્ધાઓએ પંજશીર ઘાટીમાં ઘુસવાનો પ્રસાય કર્યો હતો. પરંતુ જેવા તેઓ ઘુસ્યા કે સામસામે ગોળીબાર થયો હતો. જે ગોળીબારમાં તાલિબાનના કુલ 7-8 જેટલા લડાકુઓ માર્યા ગયા હતા. 

નોર્દર્ન અલાયંસના 2 લડાકુઓના મોત 

સમગ્ર મામલે નોર્દર્ન અલાયંસનું કહેવું છે કે તેમના પણ 2 યોદ્ધાઓ આ લડાઈમા માર્યા ગયા છે. તાલિબાને આખા અફઘાનિસ્તાન પર કબ્જો તો મેળવી લીધો પરંતુ હજુ સુધી તેઓ પંજશીરને કાબૂમાં નથી કરી શક્યા. અહીયા અહમદ મસૂદની આગેવાનીમાં નોર્દન અલાંયસના લડાકુઓ તાલિબાન સામે લડી રહ્યા છે. 

અત્યાર સુધીમાં 300 તાલિબાનીના મોત 

અહમદ મસૂદ અને કાર્યવાહક રાષ્ટ્રપતિ અમરુલ્લા સાલેહની આગેવાનીમાં નોર્દર્ન એલાંયસ લડાઈ લડી રહ્યું છે. છેલ્લા કેટલાક દિવસોથી તાલિબાને અહીયા ઘણી વખત ઘૂસવાનો પ્રયાસ કર્યો હતો. પરંતુ તેમને ક્યારેય સફળતા ન મળી. આપને જણાવી દઈએ કે અહીયા અત્યાર સુધીમાં 300 જેટલા તાલિબાની લડાકુઓ માર્યા ગયા છે. 

તાલિબાન અને નોર્દન અલાયંસ વચ્ચે વાતચીત યથાવત 

ઉલ્લેખનીય છે કે સમગ્ર મામલે બંને પક્ષે વાતચીત પણ કરવામાં આવી રહી છે. તાલિબાને એવો દાવો કર્યો હતો કે તે પંજશીરના લોકો સાથે વાત કરી રહ્યા છે. સાથેજ નોર્દર્ન અલાયંસના અહમદ મસૂદે પણ કહ્યું કે તેઓ તાલિબાન સાથે વાતચિત કરવા તૈયાર છે. પરંતુ જો તાલિબાન જંગ છેડશે તો અમે જંગ પણ લડીશું