કામની વાત / ગેસ બુકિંગ, રેલ્વે ટાઈમ ટેબલથી લઈને બેંકિંગ ચાર્જિસ સુધી, 1 નવેમ્બરથી બદલાઈ રહ્યા છે આ 7 નિયમો

• 1 નવેમ્બરથી બદલાશે આ 7 નિયમો
• ગેસ બુકિંગ, રેલ્વે ટાઈમ ટેબલથી લઈને બેંકિંગ ચાર્જિસમાં પણ આવશે ફેરફાર
• જાણો તમારા ખિસ્સા પર આ ફેરફારની શું થશે અસર

1. ગેસ સિલિન્ડરના બુકિંગ માટે આપવાનો રહેશે OTP

1 નવેમ્બરથી  LPG ગેસ સિલિન્ડરની ડિલિવરીની પ્રોસેસ બદલાઈ રહી છે. હવેથી ગેસ બુકિંગ બાદ ગ્રાહકોને મોબાઈલ પર OTP મળશે. જ્યારે સિલિન્ડર ડિલિવરી માટે આવશે ત્યારે આ OTP ડિલિવરી બોયની સાથે શેર કરવાનો રહેશે. આ વખતો આ કોડની સિસ્ટમથી મળશે તો જ તમને  LPG સિલિન્ડર મળશે. 

 
2. નવા મહિનાથી BoBના ગ્રાહકોએ આપવો પડશે આ ચાર્જ

બેંકોમાં હવે રૂપિયા જમા કરવા અને તાઢવા માટે ફી આપવાની રહેશે. BoBએ તેની શરૂઆત કરવાનું નક્કી કર્યું છે. નવેમ્બરથી બેંક નક્કી રકમ પર ચાર્જ લેશે. 1 નવેમ્બરથી ગ્રાહકોને લોન ખાતા માટે મહિનામાં 3 વાર જેટલી વાર રૂપિયા કાઢશે તેની પર 150 રૂપિયા ચાર્જ આપવાનો રહેશે. બચત ખાતા ધારકોએ 3 વાર ફ્રીમાં ટ્રાન્ઝેક્શન કરી શકાશે. આ પછી તેઓએ દરેક ટ્રાન્ઝેક્શનના 40 રૂપિયા આપવાના રહેશે. જનધન ખાતા ધારકોએ રકમ જમા કરાવવા માટે કોઈ ચાર્જ આપવાનો રહેશે નહીં પરણ કાઢતી સમયે 100 રૂપિયા ચાર્જ આપવાનો રહેશે. 

3. રેલ્વે બદલશે ટ્રેનનું ટાઈમ ટેબલ

ઈન્ડિયન રેલ્વે આખા દેશની ટ્રેનનું ટાઈમ ટેબલ બદલવા જઈ રહ્યું છે. પહેલાં ટ્રેનનું ટાઈમ ટેબલ 1 ઓક્ટોબરથી ચેન્જ થવાનું હતું પરંતુ હવે તે 1 નવેમ્બરથી બદલાશે. તેમાં 13 હજાર પેસેન્જર્સ ટ્રેન અને 7000 માલ ગાડીના સમય બદલાશે. 30 રાજધાની ટ્રેનનો સમય પણ બદલાઈ જશે. 

4. ચંડીગઢથી ન્યૂ દિલ્હી વચ્ચે ચાલશે તેજસ એક્સપ્રેસ

1 નવેમ્બરથી દર બુધવાર સિવાય ચંડીગઢથી ન્યૂ દિલ્હીની વચ્ચે તેજસ એક્સપ્રેસ ચાલશે. ગાડી નંબર 22425 ન્યૂ દિલ્હી- ચંડીગઢ દર સોમવાર, મંગળવાર, ગુરુવાર, શુક્રવાર, શનિવાર અને રવિવારે સવારે 9.40ના સમયે ચાલશે અને બપોરે 12.40એ ચંડીગઢ પહોંચશે. આ સાથે ગાડી નંબર 22426 ચંડીગઢ- ન્યૂ દિલ્હી તેજસ એક્સપ્રેસ પણ આ દિવસોએ બપોરે 2.35 એ ચંડીગઢ રેલ્વે સ્ટેશનથી નીકળશે અને સાંજે 5.30એ ન્યૂ દિલ્હી પહોંચશે.

5. Indane ગેસે બદલ્યો બુકિંગ નંબર

જો તમે ઈન્ડેન ગેસના ગ્રાહક છો તો હવે તમારે નવા બુકિંગ નંબર પર સિલિન્ડર બુક કરાવવાનો રહેશે. કંપનીએ પોતાના ગ્રાહકો માટે ફેરફાર કર્યો છે. પહેલાં કંપનીના અલગ અલગ નંબર હતા. હવેથી 7718955555  પર કોલ કે મેસેજ કરીને સિલિન્ડર બુક કરાવવાનો રહેશે. 

6. બદલાશે ગેસ સિલિન્ડરના ભાવ

દેશની સરકારી તેલ કંપનીઓ દર મહિનાની પહેલી તારીખે ભાવ બદલે છે. કિમતોમાં વધઆરો આવી ષકે છે. એવામાં 1 નવેમ્બરે સિલિન્ડરની કિંમતોમાં ફેરફાર આવી શકે છે. ઓક્ટોબરમાં ઓઈલ કંપનીઓએ કર્મશિયલ સિલિન્ડરની કિંમતોમાં વધારો થયો હતો. 
  

7. કેરળમાં લાગૂ થશે MSP  યોજના

કેરળ સરકારે શાકને માટે આધાર મૂલ્ય નક્કી કર્યું છે. આ સાથે કેરળ શાકને માટે ન્યૂનતમ સમર્થન મૂલ્ય નક્કી કરનારો પહેલો દેશ બન્યો છે. ન્યૂનતમ કે આધાર મૂલ્ય ઉત્પાદનથી 20 ટકા વધારે હશે. રાજ્યના મુખ્યમંત્રી પિનારાઈ વિજયને કહ્યું કે આ યોજના 1 નવેમ્બરથી લાગૂ કરાશે.