કાર્યવાહી / નવસારી: 7 પોલીસ કર્મી દારૂ વેચવાની પ્રવૃત્તિ અટકાવી ન શક્યા તો જિલ્લા પોલીસ વડાએ લીધા એવા એક્શન કે મચ્યો ખળભળાટ

• નવસારી જિલ્લા પોલીસ વડા આવ્યા એક્શનમાં
• ASI, હેડ કોન્સ્ટેબલ,5 કોન્સ્ટેબલને સસ્પેન્ડ કરાયા
• દારૂ વેચાણ બાબતે નબળી કામગીરીને લઇને સસ્પેન્ડ

ગુજરાતમાં દારૂબંધીની માત્ર વાતો થાય પણ ખુલ્લેઆમ દારૂની હાટડીઓ ચાલતી હોય, બુટલેગર ગમે તેમ દારૂની હેરાફેરી કરતાં હોય તેવી અનેક ઘટનાઓ સામે આવી છે. ખાસ કરીને દારૂની હેરાફેરી મોટાભાગે ગુજરાતમાં બોર્ડર આસપાસના વિસ્તારમાંથી વધુ થાય છે. તેણે નાથવા નવસારી પોલીસ સતત ડ્રાઈવ ચલાવી રહી છે. પણ આ કામમાં નવસારીના મરોલી પોલીસ સ્ટેશનના 7 પોલીસકર્મીઑએ નિષ્કાળજી દાખવતાં સસ્પેન્ડ થવાનો વારો આવ્યો છે.

ફરજ પરથી મોકૂફ કરાયેલા પોલીસ કર્મચારીઓના નામ

• 1. સીતારામભાઈ શંકરભાઈ ભોયે, ASI 
• 2. નિકુલપરી બલદેવપરી ગોસ્વામી, હેડ કોન્સ્ટેબલ
• 3. અતુલ અશોકકુમારસિંહ ચૌહાણ, કોન્સ્ટેબલ
• 4. ધર્મેશકુમાર મફતભાઈ ભોઈ, કોન્સ્ટેબલ
• 5. નિતેશકુમાર જયેશભાઈ ચૌધરી, કોન્સ્ટેબલ
• 6. શૈલેષકુમાર બહાદુરભાઇ પરમાર, કોન્સ્ટેબલ
• 7. રમેશકુમાર નાગજીભાઈ ચૌધરી, કોન્સ્ટેબલ

ઉપરોક્ત 7 કર્મચારી જેમાં ASI, હેડ કોન્સ્ટેબલ,5 કોન્સ્ટેબલને નબળી કામગીરીને લઇને જિલ્લા પોલીસ વડાએ સસ્પેન્ડ કરી દીધા છે. દારૂ વેચવાની પ્રવૃત્તિ અટકાવવામાં  નિષ્કાળજી બદલ આ કાર્યવાહી કરવામા આવી છે તેવી માહિતી આપવામાં આવી છે. ત્યારે એક તરફ જિલ્લા વડાના  આ આદેશના વખાણ પણ થઈ રહ્યા છે તો બીજી તરફ ગુજરાતમાં ખરેખર દારૂબંધી છે તે વાત પર સવાલ થઈ રહ્યા છે. હાલ તો તાત્કાલિકના ધોરણે લેવાયેલા આ ફરજ મોકૂફના એક્શનથી નવસારી જિલ્લા પોલીસ બેડામાં ખળભળાટ મચ્યો છે.