ઉત્તરપ્રદેશ / વૈષ્ણોદેવી દર્શન કરીને પરત ફરી રહેલા શ્રધ્ધાળુઓને નડ્યો અકસ્માત, 7ના મોત

• ઉત્તરપ્રદેશના બુલંદશહેરમાં દર્દનાક કિસ્સો
• રસ્તાની સાઈડમાં સૂતેલા શ્રદ્ધાળુઓને બસે કચડ્યા
• 7 શ્રદ્ધાળુઓના ઘટનાસ્થળે મોત

નરૌરા ગંગાઘાટ પર બનેલા આ દર્દનાક બનાવમાં 7 શ્રદ્ધાળુઓના મોત નીપજ્યા હતા. મરનારામાં 4 મહિલા અને 3 માસૂમ બાળકોનો સમાવેશ થયો છે. મળતી માહિતિ અનુસાર તમામ શ્રદ્ધાળુઓ વૈષ્ણોદેવીથી દર્શન કરીને ગંગા સ્નાન માટે હાથરસથી નરૌરા ઘાટ પર રસ્તાની સાઈડમાં સૂતા હતા. આ સમયે આ કરુણ ઘટના બની. 7 લોકોના ઘટનાસ્થળે મોત થયા હતા.

આ ઘટના બાદ આરોપી બસ ડ્રાઈવર ઘટનાસ્થળે બસ છોડીને ભાગી ગયો હતો. પોલીસને જાણ થતાં જ સ્થળ પર મોટી સંખ્યામાં પોલીસને તૈનાત કરવામાં આવી હતી. પોલીસના અધિકારીઓ પણ સ્થળ પર હાજર રહ્યા હતા. આખા કેસની સાથે બસ ડ્રાઈવરની પણ શોધખોળ ચાલુ છે.