IPLIN
 
  • Home
  • India
  • 7 people died in an accident of bihar

બિહાર / પુરપાટ ઝડપે આવતી ટ્રકે ટક્કર મારતા 2 રીક્ષાનો કચ્ચરઘાણ, 7 લોકોના કમકમાટીભર્યા મોત અનેક ઘાયલ

Team VTV 06:56 PM, 15 Jun 20 | Updated: 06:58 PM, 15 Jun 20
Follow us
7 people died in an accident of bihar

બિહારમાં આજે માર્ગ અકસ્માતની ઘટના બનતા 7 લોકોના કમકમાટીભર્યા મોત તથા 12 લોકો ઘાયલ થયાં છે. ઘાયલોની સ્થિતિ ગંભીર છે. ઉલ્લેખનીય છે કે, પહેલી ઘટના ગયા જિલ્લાના આમસની જીટી રોડ પર બિશનપુર નજીકની છે. જ્યાં પુરપારટ ઝડપથી આવી રહેલી ટ્રકે 2 ઓટો રિક્ષાને ટક્કર મારી હતી. 

  • બિહારમાં મોટો ગમખ્વાર અકસ્માત
  • પુરપાટ ઝડપે આવતી ટ્રકે 2 ઓટો રિક્ષાને ટક્કર મારતા 7 લોકોના મોત

આ ટક્કર એટલી જોરદાર હતી કે, ઓટો રિક્ષાનો કુચ્ચો બોલી ગયો હતો અને તેમાં સવાર 7 લોકોના કમકમાટીભર્યા મોત થયાં હતા અને 12 લોકો ઘાયલ થયાં હતા. ઘાયલ થયેલા લોકો પૈકી કેટલાકની સ્થિતિ ગંભીર છે. 

તિલક સમારોહમાંથી પરત ફરી રહ્યા હતા લોકો

પોલીસના જણાવ્યા મુજબ ગયાના રેગનીયા ગામના અનેક લોકો તેમની બે ઓટોમાં સવાર થઇને દેવ મંદિરથી એક તિલક સમારોહમાં ભાગ લીધા બાદ તેમના ગામ પરત ફરી રહ્યા હતા. ત્યારે જ સામેની દિશાથી આવી પુરપાટ ઝડપે આવી રહેલ ટ્રકે રાષ્ટ્રીય ધોરીમાર્ગ પર બિશુનપુરા ગામ નજીક બે ઓટોને ટક્કર મારી હતી.

આમસ પોલીસ સ્ટેશનના પ્રભારી અનિલકુમારસિંહે જણાવ્યું હતું કે અકસ્માતમાં મૃત્યુ પામેલા લોકોના મૃતદેહને પોસ્ટમોર્ટમ માટે હોસ્પિટલમાં મોકલવામાં આવ્યા છે. ઘાયલોની સારવાર કરવામાં આવી રહી છે. ઘાયલ થયેલા ત્રણથી ચાર લોકોની હાલત ગંભીર છે. તેમણે કહ્યું, બધા મૃતકો રેગનીયા ગામના રહેવાસી હતા. આ બનાવ બાદ ટ્રક ચાલક ફરાર છે. પોલીસ આ કેસની તપાસ કરી રહી છે.

Bihar અકસ્માત બિહાર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ