Omicron variant / મહારાષ્ટ્રમાં ઓમિક્રૉન વિસ્ફોટ, આજે 7 નવા કેસ જોવા મળતા ભારતમાં કુલ 32 કેસ, એક તો ધારાવીમાં

• મહારાષ્ટ્રમાં શુક્રવારે 7 નવા ઓમિક્રૉનના કેસ મળ્યા 
• ત્રણ કેસ મુંબઈમાં જોવા મળ્યા, એક ધારાવીનો 
• ભારતમાં ઓમિક્રૉનનાં કુલ 32 કેસ 

મહારાષ્ટ્રમાં ઓમિક્રૉનનાં 7 નવા કેસ
મહારાષ્ટ્રમાં ઓમિક્રૉનનાં શુક્રવારે 7 નવા કેસ આવવાનાં કારણે હડકંપ મચી ગયો હતો. તેમાંથી ત્રણ કેસ મુંબઇમાં જ મળ્યા હતા. 

આ લોકોમાં એકદમ સામાન્ય લક્ષણો જ જોવા મળ્યા હતા. સરકારે કહ્યું હતું કે તેઓ હજુ સુધી જેટલા પણ કેસ અંગેની માહિતી મળી છે તે બધા જ કેસમાં સામાન્ય લક્ષણો જોવા મળ્યા છે. તેને મળીને ભારતમાં કુલ ઓમિક્રૉન વેરિયન્ટના 32 કેસ ભારતમાં જોવા મળ્યા છે. દેશમાં કોરોનાના નવા વેરિયન્ટ ઓમિક્રૉનના એક વધુ કેસની પુષ્ટિ થઈ છે અને એક કેસ તો મુંબઈનાં ધારાવીમાં મળ્યો હતો.

એક કેસ ધારાવીમાં 

ધારાવીમાં જોવા મળેલ કેસમાં વ્યક્તિ ટાન્ઝાનિયાથી પરત આવ્યો હતો. જે કોરોના પોઝિટિવ જોવા મળ્યો હતો. 

આ દેશનો અત્યાર સુધીનો 32 મો ઓમિક્રૉનનો કેસ છે જેમાં શખ્સનો કેસ પોઝિટિવ આવ્યો છે અને તે ચેન્નાઈનો રહેવાસી છે અને છેલ્લા કેટલાક વર્ષથી ધારાવીમાં રહે છે. આ વ્યક્તિ 4 ડિસેમ્બરે ટાન્ઝાનિયાથી પાછો આવ્યો છે. એરપોર્ટ પર બે ટકા સેમ્પલના ભાગરૂપે RTPCR ટેસ્ટ માટે તેના સેમ્પલ લેવામાં આવ્યા હતાં કારણ કે ટાન્ઝાનિયા એટ રિસ્ક દેશોની કેટેગરીમાં શામેલ નથી. 

આ વ્યક્તિને રિઝલ્ટ આવવા સુધી એરપોર્ટ પર જ રાહ જોવાનું કહેવામાં આવ્યું હતું. રાત્રે તે ધારાવી રવાના થયો હતો પરંતુ એ દરમિયાન તેનો RTPCR પોઝિટિવ આવ્યો હતો. ત્યાર બાદ મેડિકલ ટીમ દ્વારા તેને અને સાથે બે લોકોને ટ્રેક કરવામાં આવ્યા હતા અને તેમણે બીજા લોકો સાથે મળતા અટકાવવામાં આવ્યા હતા. 

વેકસીનેશન જ થયું નથી 
આ શખ્સ શરૂઆતથી જ લક્ષણો વગરનો જ છે અને તેનું વેકસીનેશન પણ થયું નથી. હાલ તો તે સેવન હિલ્સ હોસ્પિટલમાં એડમિટ થઈને સારવાર લઈ રહ્યો છે. 

બાળકોમાં વધી રહ્યો છે ખતરો 
આખી દુનિયામાં કોરોનાના (Corona) નવા વેરિએન્ટ ઓમિક્રોનના (Corona New Variant Omicron) કારણે દહેશતનો માહોલ છે. દુનિયામાં લગભગ 57 દેશોમાં ઓમિક્રોન વેરિએન્ટના કેસ સામે આવ્યા છે. અત્યાર સુધી વૈજ્ઞાનિક આ વેરિએન્ટ વિશે વધારે જાણકારી નથી મેળવી શક્યા. પરંતુ અમુક રિસર્ચ દ્વારા અહીં જાણવા મળ્યું છે કે ઓમિક્રોનનું સંક્રમણ  (Omicron Infection) બાળકોમાં વધારે જોવા મળી રહ્યું છે. 

અમુક એક્સપર્ટ્સ અનુસાર આ દુનિયા માટે મોટા પડકાર સમાન છે. જણાવી દઈએ કે ઓમિક્રોન વેરિએન્ટની જાણકારી સૌથી પહેલા દક્ષિણ આફ્રીકામાં થઈ હતી. આ વેરિએન્ટના સંક્રમણમાં બાળકોમાં ખાસ લક્ષણ જોવા મળી રહ્યા છે. 

બાળકોમાં જોવા મળી રહ્યા છે ઓમિક્રોનના આ ખાસ લક્ષણ 

• ભારે તાવ આવવો 
• સતત સુકી ખાંસી આવવી 
• આખો દિવસ થાક મહેસુસ કરવો 
• માથામાં દુઃખાવો રહેવો 
• ગળામાં ખીચખીચની સમસ્યા 
• બાળકોને ભૂખ ન લાગવી જેવી સમસ્યા   

• 

બાળકોને ઓમિક્રોનથી બચાવવા માટે અપનાવો આ રીત 

• ભીડ વાળી જગ્યાઓ પર બાળકોને ન લઈ જાઓ 
• બાળકોને માસ્ક પહેરાવીને જ બહાર લઈ જાઓ 
• સંક્રમણના લક્ષણ દેખાવવા પર કોરોના ટેસ્ટ જરૂર કરાવો 
• જો તમને સંક્રમણની હોવાના લક્ષણો દેખાય તો તરત પોતાને Isolate કરી લો
• બાળકોની વેક્સિન આવ્યા બાદ તેમને વેક્સિન જરૂર અપાવો