અવાર નવાજ રીક્ષામાં આવતા જતા અથવા રસ્તા પરથી માર્ગ પરથી પસાર થઈ રહ્યા હોઈએ ત્યારે જરૂરી કાગળીયા તેમજ અમુક વખતે કિંમતી ચીજ વસ્તુઓ રીક્ષામાં કે ટેક્સીમાં ભૂલી જતા હોઈએ છીએ. ત્યારે આવો જ એક બનાવ સુરતના મહિધરપુરા ખાતે બનવા પામ્યો હતો. જેમાં કતારગામથી આવતી વખતે રસ્તામાં પૈસા પડી ગયા હતા. જે અંગે પટેલ અરવિંદભાઈએ પોલીસ મથકે ફરિયાદ કરતા પોલીસે cctv ની મદદથી પડી ગયેલ પૈસા પરત અપાવ્યા હતા.
પૈસા રસ્તામાં પડી ગયા હતા
સુરતના મહિધરપુરા પોલીસની સરાહનીય કામગીરીનાં કારણે એક વ્યક્તિનાં ખોવાઈ ગયેલ રૂપિયા સાત લાખ તેને પરત મળ્યા છે. ત્યારે સમગ્ર વિગત એવી છે કે અરવિંદ પટેલ નામનાં વ્યક્તિ કતારગામથી આવતા તેઓની પાસે રહેલ રૂપિયા સાત લાખ રસ્તામાં ક્યાંક પડી ગયા હતા. આ બાબતે અરવિંદભાઈએ પોલીસ મથકે ફરિયાદ કરી હતી. પોલીસે CCTVના આધારે તપાસ કરી
ત્યારે આ બાબતે પોલીસે CCTV ચેક કરતા પડી ગયેલ પૈસા કોઈ વ્યક્તિ લઈ રહ્યો હોવાનું સીસીટીવીમાં કેદ થઈ જવા પામ્યું હતું. ત્યારે આ બાબતે પોલીસે રૂપિયા જેણે લીધા હતા. તે વ્યક્તિની તપાસ હાથ ધરી હતી. ત્યારે તપાસ બાદ પોલીસે અરવિંદભાઈને તે રૂપિયા પરત અપાવ્યા હતા.