ઝારખંડના બોકારો જિલ્લાની આ વાત છે. અહીં એક છોકરીને પેટનો દુખાવો ઉપડ્યો હતો. 17 વર્ષની છોકરી ડોક્ટર પાસે ગઈ. પેટનું ઓપરેશન કરવામાં આવ્યું. પેટમાં શું હતું તે જાણીને ચોંકી જશો.
પેટમાંથી 7 કિલો વાળનો એક બોલ બહાર આવ્યો.
આખા પેટમાં પડ્યા હતા વાળ
સર્જન ડોક્ટર જી.એન. સાહુએ આ ઓપરેશન કર્યું હતું. તેમણે કહ્યું કે આ ખૂબ જ મુશ્કેલ ઓપરેશન હતું કારણ કે વાળનો આ બોલ પેટમાં ફેલાઈને પડ્યો હતો.
બાળપણથી ખાતી હતી વાળ
યુવતીના પેટમાંથી વાળનો બોલ મળ્યાની ઘટના પણ ખૂબ જ વિચિત્ર છે. ડો.સાહુએ કહ્યું કે 17 વર્ષની સ્વિટી કુમારીને બાળપણમાં વાળ ખાવાની ટેવ હતી. જ્યારે તેના વાળ પડતા ત્યારે તે તેને ખાઈ જતી. પરંતુ તેણે છેલ્લા પાંચ વર્ષથી આ ટેવ છોડી દીધી હતી.
તો આ કેવી રીતે થયું?
પરંતુ બન્યું એમ કે બધા વાળ એક જ જગ્યાએ એકઠા થઈ ગયા. ધીરે ધીરે તે એક બોલ બની ગયો. બોકારોની ખાનગી હોસ્પિટલમાં સારવાર કરવામાં આવી. આ બોલને દૂર કરવામાં 6 કલાક જેટલો સમય લાગ્યો. ડોક્ટર સાહુએ જણાવ્યું હતું કે 40 વર્ષની કારકિર્દીમાં પહેલીવાર તેમણે દર્દીના પેટમાં આટલા બધા વાળ જોયા છે. હવે સ્વીટી સારું છે અને સ્વસ્થ થઈ રહી છે.