7 ભારતીયોના અપહરણ મામલોઃ અફઘાન સરકાર મુક્તિ માટે તાલિબાનના સંપર્કમાં

નવી દિલ્હીઃ અફઘાનિસ્તાનના બગલાન ક્ષેત્રમાં અપહ્રત 7 ભારતીય એન્જિનિયરોની મુક્તિ માટે વિદેશ મંત્રી સુષ્મા સ્વરાજે અફઘાનિસ્તાનના વિદેશમંત્રી સલાહુદ્દીન રબ્બાની સાથે વાત કરી છે. સુત્રોના જણાવ્યા અનુસાર અફઘાનિસ્તાનના વિદેશ મંત્રીએ સુષ્મા સ્વરાજને આ વિશેની માહિતી આપી છે અને કહ્યું કે ભારતીય એન્જિનિયરોની મુક્તિ માટે પ્રયાસ કરવામાં આવી રહ્યા છે.

બગલાનના ગવર્નર અબ્દુલહઇ નેમાતીએ જણાવ્યું કે તાલિબાન કર્મચારીઓએ અપહરણ કર્યું છે અને તેમણે પુલ એ ખોમરે શહેરના દાંડ શાહબુદ્દીન વિસ્તારમાં લઇ ગયા છે.

નેમાતીના હવાલાથી ન્યૂઝ એજેન્સીને જણાવ્યું કે અફઘાન અધિકારીઓએ સ્થાનિક લોકોને માર્કત તાલિબાન સાથે વાત કરી અને આતંકવાદી સંગઠનને કહ્યું કે તેમણે ભારતીયોને સરકારી કર્મચારી સમજીને ભુલમાં અપહરણ કરી લીધું.

નેમાતીએ કહ્યું કે તે લોકો અપહરણ થયેલ લોકોને કબાઇલી સરદારો અને મધ્યસ્થતા દ્વારા મુક્ત કરવાના પ્રયત્નો કરાઇ રહ્યા છે.


જણાવી દઇએ કે અફઘાનિસ્તાનના બગલાન ક્ષેત્રમાં આરપીજી સમૂહની એક કંપનીમાં કરનારા સાત ભારતીય ઇન્જિનિયરોને રવિવારે કથિત રીતે તાલિબાનના બંદૂકધારીઓએ અપહરણ કરી લીધું. અફઘાન મીડિયાના જણાવ્યા અનુસાર આ લોકોને સરકારી કર્મચારી સમજીને ઉઠાવી લીધા હતા.

આ વચ્ચે નવી દિલ્હીમાં વિદેશ મંત્રાલયે કહ્યું કે તેઓ લોકો અફઘાન અધિકારીઓના સંપર્કમાં છે અને ઘટનાની વિગતે માહિતી મેળવી રહ્યા છે.